Page 162 - Улуус спордун үйэтиппит учуутал, тренер. Иван Жирков

Улуус спордун уйэтиппит учуутал, тренер
тара, 5 ССРС спордун маастара, 3 маастарга кандидат, республика
рекордсменнара иитиллэн тахсыбыттара.
Иван Михайлович үлэтигэр сүрдээх ирдэбиллээх, барыта эрдэт-
тэн былааннанан, кэмигэр күрэхтэһиилэрэ, спортивнай сиэксийэ-
лэрэ үрдүк таһымнаахтык бараллара.
Мин классоводтаабыт кылааспар уола Ваня үөрэммитэ, аҕа
быһыытынан наһаа кыһаллан, бэйэтин тус санаатын этэн сүбэлии-
рэ. Ваня эмиэ спортсмен буолар чинчилээҕэ, сүүрүүгэ оскуола чиэ-
һин куруук көмүскүүрэ. Оскуоланы ситиһиилээхтик бүтэрэн, үрдүк
үөрэххэ киирбитэ, онтон элбэҕи эрэннэрэр уолбутун Ваняны хомол-
толоохтук сүтэрбиппит. Иван Михайлович уонна Мария Никоновна
ыар сүтүгү көрсүбүттэрэ. Олох салҕаныахтаах, Иван Михайлович
уонна Мария Никоновна доруобуйаларын бөҕөргөтүнэр сыалтан
олох туспа дьарыгы ылынаннар, сарсыарда аайы тымныы ууну кут-
тар буолбуттарын олохтоох телевидениенэн көрбүппүт. Маннык
дьарыктанар дьон иммунитеттара күүһүрэр диэн сорох дьон эмиэ
дьарыктанан барбыттара.
Оскуолаҕа саахыматчыттар, дуобатчыттар түмсүүлэрин тэри-
йэн, элбэх киһи дьарыктанара. Улуус оскуолаларын учууталларын
күрэхтэһиитигэр бу түмсүү дьоно кыайыыны аҕалаллара. Кэлин
бочуоттаах сынньалаҥҥа баран, кыһынын куоракка кыстыыллара,
онно да хайыһарынан дьарыктанарын телевизорынан корон, учуу-
таллар кэпсээбиттэригэр үөрэ истибиппит. Сынньалаҥҥа олорон,
улууска спорт сайдыытын историятын, биллэр спортсменнарын
туһунан кинигэлэри таһаартаран, ыалдьа да сырыттар, матырыйаал
бөҕө хомуйан оҥордоҕо. “Киһи сатаабата диэн суох” диэн Иван
Михайлович бүтэһик көрсөрбөр этэн турардаах. Онно кини уһана
сылдьарын эппитэ. Кырдьык, киһи баҕатын толороругар дьулуур
эрэ наада.
Бу оскуолаҕа үлэлээбит сылларбар мин Жирковтар аймаҕы кыт-
та бииргэ алтыһан, кинилэр үлэҕэ бэриниилэрин, дьулуурдарын,
эппиэтинэстэрин, оҕоҕо тапталларын холобур оҥостон үлэлээбип-
пинэн бэйэбин дьоллооҕунан ааҕынабын. Иван Михайлович кэргэнэ
Мария Никоновна, юннатскай станция тэриллиэҕиттэн биэнсийэҕэ
тахсыар диэри оҕолору оҕуруот аһын олордууга, көрүүгэ-харайыыга
үөрэппит убаастанар методист. Бииргэ төрөөбүт убайа Михаил Ми­
хайлович Жирков бу станция дириэктэрэ этэ, станция республикаҕа
куруук үчүгэй үлэтинэн холобурга сылдьыбыта, саҥаһа Розалия
Алексеевна Жиркова эмиэ биһиги оскуолабытыгар сааһын тухары