Page 171 - Улуус спордун үйэтиппит учуутал, тренер. Иван Жирков

Саха сиригэр
күүстээх хай-
ыһардьытынан
б и л л и б и т
кэмэ этэ. Үчү-
гэй бириэмэ-
ни көрдөрөн,
наһаа кы-
раһыабайдык
сүүрэн кэлби-
тин олус асты-
на көрбүттээҕим. Ол эрээри техникатыгар баар уратытын олус дьи-
ибэргээбитим. Ол кини паалкатын саннынан эргитэн кулахачытан
аҕалан түһэрэрин. Оннук техникалаах хайыһардьыты кэлин ханна
да көрбөтөҕүм. Саатар, бииргэ үлэлии сылдьан өйдөөн, тоҕо оннук
туттарын туһунан биирдэ эмэ ыйыппатах эбиппин...
Мүрү 2-с №-дээх орто оскуолатыгар үлэлии кэлэрбэр, эрдэттэн
оскуолаҕа физкультура салаата оройуоҥҥа холобурдаах үлэлээҕин
билэр этим, салааны салайааччы Иван Михайлович үлэтигэр дьиҥнээх
бэринилээх, олус чуолкай тэрээһиннээх учууталын элбэхтик истэрим.
Кырдьык даҕаны, барыта оннук эбит этэ. Элбэх оҕоҕо кыра да буол-
лар спортивнай зал күнү быһа тигинэччи үлэлиирэ. Расписаниенан
физкультура уруоктара, эбиэт кэнниттэн сиэксийэлэр, араас күрэх-
тэһиилэр ыытыллаллара. Ол быыһыгар пионерскай, комсомольскай,
араас мунньахтар, конференциялар, бырааһынньыктар тэрээһиннэрэ
- спортзал ыгыылаахтык үлэлиир кэмнэрэ этилэр. Ол тэрээһиннэр
күн аайы туох да мэһэйдэһиитэ суох барыахтаахтарын оҥорор эмиэ
биир кырата суох түбүк буолара. Эбиитин улахан дьон, тэрилтэлэр
графигынан кэлэн үлэ кэнниттэн дьарыктара, учууталлар хамаанда-
лара оҕолор хамаандаларын кытта мээчиктээһиннэрэ уо.д.а. бааллара.
Син, сэмэй даҕаны стандартаах тутууга, бэйэтин кэмигэр элбэх хамса-
ныыны хааччыйбыт зал сорсуйан тураахтаатаҕа...
Дьэ, ити тэрээһиннэр туох да олуйсуута суох ыытыллыыларын
хааччыйар, аттаран туруорар дьонунан физкультура учууталлара
буолаллара. Ол быыһыгар оскуола сүүмэрдэммит хамаандаларын
тэринэн, оройуон иһинэн ыытыллар үөрэнээччилэр араас таһымнаах
күрэхтэһиилэригэр, оройуон физкультурнай, спортивнай тэрээһин-
нэригэр кытталлара. Үлэ күөстүү оргуйара эрээри, оскуола адми-
нистрациятыгар ханан да эбии үлэ ноҕоруускатын эбэн биэрбэт этэ,