Page 35 - Улуус спордун үйэтиппит учуутал, тренер. Иван Жирков

лара. Бу оҕолортон Ваня Жирков, Проня Крылов республика чулуу
хайыһардьыттара буолбуттара.
Оскуола сылларыгар Ванялыын ыкса табаарыстыы буолбуппут.
Оскуолаҕа кэлиигэ-барыыга, оскуола тас өттүгэр субуотунньуктар-
га өрүүтүн бииргэ сылдьарбыт. Оччолорго иккиэммитигэр сэдэх-
тик көстөр, тэрилтэ салайар үлэһиттэригэр эрэ баар санныгар сүгэр
уһун быалаах «Полевой» диэн ааттаах үкчү суумкалардаах этибит,
онтуларбытыттан бэйэбит да кэмэ суох астынарбыт.
Иги сылларга Бороҕоҥҥо саҥа кинотеатр тутуллан үлэҕэ киир-
битэ биир туспа сонун этэ. Ванялыын күнүс үс чаастаах киинэҕэ
оскуолаттан үргүлдьү барарбыт. Сорох күн үстэн, биэстэн буолар
сеанстарга сылдьарбыт. Аны санаатахха, сарсыарда эрдэ үөрэнэ
барбыт дьон диэтэххэ, уһуннук сылдьар табаарыстар эбиппит. Саа-
һын хонуу куурдаҕына табаарыстарбытын Петя Бурнашеву, Петя
Петухову, Проня Крылову, Ваня Б, Ганя Оконешниковы, Ваня Го­
голевы кытта Эбэбит халдьаайы сыырыгар тахсан дьаарбайарбыт.
Бороҕоммутун үөһэттэн астына көрөрбүт, кэпсэтии муҥура суох
буолара. Үөрэхтэн саҕалаан спордунан эргийэн, политикаҕа тиийэн
иҥнэрбит.
Ваня онуһу бүтэрээт, соҕуруу үрдүк үөрэххэ киирбитэ. Ити
устудьуоннуур сылларыгар биһиги суругунан билсэрбит. Ваня ин-
ститутун, үөрэҕин туһунан олус үчүгэй ис хоһоонноох суруктары
ыытара. Мин манна чугас баар табаарыстарбыт тугу, ханныгы үлэ-
лииллэрин, төһө билэрбинэн оройуон сонунун суруйарым. Сайын
каникулугар кэллэҕинэ, оскуолатааҕы сылларбыт курдук, Эбэбитин
көрө үөһээ тахсан ирэ-хоро сэһэргэһэр этибит. Ити кэпсэтиигэ Ваня
олох улахан киһилии дуоспуруннаахтык, олохтоохтук этитэлиирин,
кэпсиирин өйдөөн хаалбыппын.
Билигин санаан көрдөхпүнэ, Ваня оччоттон үчүгэй үлэһит, убаас-
танар-бочуоттанар киһи буолуоҕа биллэр эбит. Били, «оҕо - оҕотут-
тан» диэбит курдук. Биллэрин курдук, мин Иван Михайловиһы кыт­
та бииргэ үлэлээбэтэҕим. Ол эрээри, кинини кытта бииргэ үлэлээбит
биир идэлээхтэрин кэпсээннэриттэн, ахтыыларыттан истэ-билэ сы-
рыттаҕым. Ол курдук Иван Михайлович үлэгигэр кыһамньытын,
үгүс ситиһиилээҕин үөрэ-көтө кэпсииллэр, ахталлар этэ.
Иван Михайлович төрөөбүт оройуонугар хайыһар спорда сай-
дарыгар үлэлээн-хамсаан үгүс көлөһүнүн тохпут, көмүс кылаатын
киллэрбит киһи. Кини үөрэтэн-такайан төһөлөөх оҕону хайыһар
сүүрэр суолугар, спорт киэҥ эйгэтигэр сиэтэн киллэрбитэ буолуой!