Page 7 - Улуус спордун үйэтиппит учуутал, тренер. Иван Жирков

үрэх уутунуу элбэхтик устубут хаан тохтуулаах кыргыһыытыгар
бэйэтэ ыараханнык бааһыран, госпиталга уһуннук эмтэнэн, медко­
миссия баран, сэрии инбэлиитэ буолан, «Албан Аат» III истиэпэнэ
уордьаннаах дойдутугар тонной кэлэн, арай, уола Баанньыска тиэр-
гэҥҥэ сүүрэн тэлээрэ сылдьарын көрөн: «Хайа, бу уол тыыннаах
эбит дуу!» - диэн үөрэ соһуйбутун туһунан дьоммут кэпсээччилэр...
Ахтыылары аахтахха, Иван Михайлович олоҕун олуктарын туха-
ры барытыгар мэлдьи инники күөҥҥэ сылдьыбыт эбит диэн түмүк-
кэ кэлэҕин. Ол курдук кини оҕо сааһыгар тэтиэнэх буолан, хайы-
һарынан дьарыктанан оскуола, оройуон тумус туттар спортсмена
этэ, студенныы сылдьан Казахстаҥҥа бурдук хомуурун үлэтигэр
уһулуччу кылаатын иһин мэтээлинэн бэлиэтэммит (ити сыл бүтүн
институт оҕолоруттан иккиэ эрэ буолан наҕараадаламмыттар), эдэр
сааһыгар республика биир күүстээх хайыһардьыта, үлэһит буолан
баран бастыҥ үлэлээх учуутал, таһаарыылаах тириэньэр, дьоҕур-
даах салайааччы ааттарын сүкпүтэ, онтон бочуоттаах сынньалаҥҥа
олорон аҕа саастаахтар түмсүүлэрин тэрийэн үлэлэппитэ, айар-чин-
чийэр үлэнэн дьарыкгаммыта уонна тус олоҕор иллээх дьиэ кэргэн
аламаҕай аҕата, элэккэй эһэтэ этэ. Дьэ, бу маны барытын биир киһи
холугар уйуна сылдьыбыта хайҕаныан эрэ сөп. Онон Иван Михай­
лович орто дойдуга олоҕу олоро ананан кэлбит соругун барытын
дьоһуннаахтык толорон, киэҥ, үрдүк дайыылаах олоҕу олорон, туох
даҕаны кэтэх санаата суох үйэтин моҥоон барда.
Иван Михайлович туһунан ис сүрэхтэн саҕыллан суруллубут
ахтыылар ааптардарыгар - аймахтарыгар, доҕотторугар, улууспут
уонна нэһилиэкпит салайааччыларыгар, үөрэҕирии уонна спорт эй-
гэтигэр бииргэ үлэлээбиттэригэр, элбэх ахсааннаах үөрэнээччилэри-
гэр - барыгытыгар барҕа махтал тылларын этэбит, таһаарыылаахтык
үлэлээҥ, айыҥ-тутуҥ, этэҥҥэ буолуҥ, ыалдьымаҥ-сүтүмэҥ диэн ал-
гыспытын тиэрдэбит!

Александр Николаевич ИВАНОВ,
Иван Михайлович кутуопп.