Page 26 - Тролукова.indd
P. 26
Сайа^ас санаатын сааһылаан,
Иһирэх иэйиитин иччилээн,
Алгыстаах тойугун анааран
Ийэ сир кырсыгар иҥэрэр:
«Үтү°кэн санаалаах үксээтин,
Ыллыктаах ыралаах ырааттын,
Тупса^ай торумнаах тэнийдин,
Уйгулаах урааҥхай ууһаатын!»
12.09.24
КЫРЫАЛААХ КЫРААЙЫМ
Кырыымпа кырылас тыаһыныы
Кыычыргыыр-хаачыргыыр ырыалаах,
Кырылас дьыбардаах кыһыннаах
Кыҥкынас кырыалаах кыраайым.
Мин сирим, мин дойдум, мин дуолум
Халлааҥҥа харбаһар хайалаах,
Быллаардаах сыырдардаах алаастаах,
Табалаах туундара тойуктаах.
Айыл^а баай талым кэрэтэ
Бүтүннүү биһиэхэ баар эбээт,
Киэн тутун Сахабыт сиринэн,
Киэн тутун дойдугар бааргынан.
2023
24
