Page 68 - Сахаайа Ермолаева Тымтык күн

Аппайыал (биһиги кэммит) — саха ортоһуор поэта,
критикан-сатирик, дилетант-политик, дьадаҥы ыамата.
* * *
— Аппайыал! Дьоннор эйигин улуубун дэнэн кэпсэнэр
дэһэллэр. Кырдьык дуо?
— Чахчы!
— Туохха олоҕуран инньэ дэнэҕин?
— Үс идэни баһылаабыт үс дипломнаахпын!
— Уонна?
— Үс сойууска чилиэннээхпин: сэбиэскэйгэ, дэмэки-
рээттэргэ итиэннэ суруналыыстарга.
— Чунуобунньуктары ол иһин да сэнээн кыра да итэ-
ҕэстэрин наһаа хасыһан, арахпакка хоруотуур эбиккин.
— Сопке сэниибин: кинилэр биирдии эрэ чилиэннээх-
тэр!
— Ханна?
— Бырабыыталыстыба кэбиниэтигэр!
* * *
— Эн миигин, Аппайыал, былыргы оҕонньору баҕас,
хаардыы кэһэн сыыспыппын сыымайдыыргын истэбин.
Олортон сүрүн итэҕэһим туохханый?
— Демократия сүрүн ситиһиитин үөхпүккүн!
— Туох диэн?
— «Рынок — это специально назначенное место обма­
нывать и обкрадывать друг друга» диэбиккин. Эйигин ол
иһин софист (кырдьык-сымыйа кытгыгастаах киһи) диэн
сопке сыаналаабыттар.
— Сорох түгэннэргэ сыыспыппын мин билинэбин. От­
тон эн алҕаскын билинээччигин дуо?
— Мин эбэссээнньэ түөрүйэтин киһитэбин: кэлин
көннөрүнүөм диэн эрэннэрэбин!

* * *
— Аатырбыт бөлүһүөк — экономист Георгий Плеханов:
«Историческай личность политикаҕа быһаарар оруоллаах»
диэбитин эн туох дии саныыгын?
— Бэйэтин суолтатын үрдэтинээри эппитэ буолуо?
— Ээ, кырдьык даҕаны, Ленин ол иһин «историческай
личность» диэни «пролетариат диктатурата» диэн терми-
нинэн солбуйбут эбит.

66