Page 160 - Неизвестное название

Пансиоҥҥа олорбут оҕолортон Захар Васильевич
Алексеев, Иван Бурнашев Эрэлээҥин, Парасковья Пе­
тровна Говорова, Варвара Матвеевна Бурнашева, Ни­
колай Аммосов (Аҕа дойду сэриитигэр өлбүтэ), Петр
Васильевич Аммосов (Саха АССР Верховнай Советын
председателэ), Варвара Ивановна Карамзина, о.д.а.
ыраас олох иһин, таҥараны, абааһыны итэҕэйиини ута-
ры үлэни ыыталлара.
Оскуолабыт бандьыыттар кэлэннэр сабыллыбыта.
Пансион оҕолоро бары ыһыллыбыттара.
Оскуолабыт 1924-1925 сс. үөрэх дьылыгар аһыл-
лыбыта. Пансиоҥҥа урукку олорбут оҕолорбут бары
кэриэтэ киирбиттэрэ, пансион оҕолорун ытыктабылла-
рын ылбыт маамабыт Өрүүнэ Алексееваны бандьыыттар
олунньу томороон тымныытыгар пансион дьиэтин илин
өттүгэр ытан өлөрбүттэрин истибиппит.
Пансион оҕолоро кэнники сылларга үксүлэрэ ком­
сомол членнарынан буолбуттара, улууска ыытыллар
политическай, хаһаайыстыбаннай үлэлэргэ нэһилиэк-
тэргэ уполномоченнайдарынан ананан актыыбынайдык
кыттыбыттара уонна 4 кылааһы бүтэрээт Петр Васи­
льевич Аммосов, Варвара Ивановна Карамзина Якут-
скайга советскай - партийнай оскуоланы ситиһиилээх-
тик бүтэрэннэр, республикаҕа партийнай советскай
үлэлэргэ үлэлээбиттэрэ.
Дьэ, ити курдук, пансион оҕолоро хас сылын ахсын
үөрэхтэригэр үчүгэйдик үөрэнэн кылаастарын бүтэр-
эллэрэ, кылааска иккис сылын хаалыы диэн суоҕа, биир
да оҕо дисциплиинэни кэһэн буруйдаммыттарын билбэп-
пин. Ити барыта үөрэтэр учууталларбыт, пансион бары
үлэһиттэрин тылларын-этиилэрин дьиҥнээхтик өйгө хата-
ан толорорбутуттан этэ.
И.П. Троев,
пенсионер, Бороҕон сэлиэннъэтэ.