Page 178 - Уус-Алдан 2006

ЛИДЕР КЫРГЫТТАР
Алтынньы 12 күнүгэр Дьокуускайга Саха сирин дьахталларын I
сийиэһэ буолбута 70 сылыгар аналлаах, өрөспүүбүлүкэ кыргыттарын
түмэр соруктаах "Активная позиция личности — основа успеха общества"
диэн ааттаммыт форум буолан ааста. Тэрээһин арыллыытыгар
өрөспүүбүлүкэ профсоюзтарын бэрэссэдээтэлэ, Ил Түмэн депутата Алек­
сандр Ким-Кимэн, Дьиэ кэргэн уонна оҕо аймах дьыалаларыгар кэми-
тиэт бэрэссэдээтэлэ Алексей Сергучев, Саха сирин түмсүүлэрин бэрэссэ­
дээтэлэ Валентина Кириллина уо.д.а. кытыннылар. Форум үлэтэ кыргыт-
тары түмэргэ, эдэр ыаллар, эдэр ийэлэр бырааптарын, интэриэстэрин
көмүскүүргэ туһуланна. Форум түмүгүнэн өрөспүүбүлүкэ лидер кыргыт­
тарын сэбиэтин тэрийэргэ, психология, гендернай быраап, иитэр-үөрэтэр
анал программаны олохтуурга, оҕолоох дьахталлары үлэҕэ киириилэрэ со-
циальнай өттүнэн мэктиэлээх буоларын туһугар уо.д.а. этиилэри киллэр-
дилэр.
Диана Леонтьева форумна Уус-Алдантан кэлэн кытынна. Кини Мүрү
1-кы оскуолатыгар музыка учуутала, ону таһынан соҕуруунан-хотунан
сылдьан, саха ырыатын-тойугун иһитиннэрбит "Кэнчээри" 050 ансаамбы-
лын орто салаатын салайааччыта. Үс сыллааҕыта М. Жирков аатынан
Дьокуускайдааҕы музыкальнай училищены бүтэрбитэ, оттон билигин
М.И. Шолохов аатынан Москубатааҕы государственнай педагогическай
университекка кэтэхтэн үөрэнэр.
— Маннык тэрээһиҥҥэ бастакы кыттыым диэххэ соп. Бу форумна
кыттыбыппыттан үөрэбин. Үрдүк таһымнаахтык ааста дии саныыбын.
Лидер кыргыттар - СГУ, АГИКИ, СГСХА, ФТИ, ДьПК-2, ДьТХТ ус-
тудьуоннара уонна араас общественнай түмсүүлэртэн, Сунтаартан, Уус-
Алдантан кэлэн кытыннылар. Үс секциянан арахсан, киһи истэ олоруон
курдук сэргэх кэпсэтиилэр таҕыстылар. Эдэр ыалга, эдэр ийэлэргэ, чел
олоххо туһуламмыт кэпсэтиилэри сэнээрдим. Манна ыччат үлэтэ суох
сылдьыытын, арыгы, табах боппуруостарын дьүүллэстибит, кэпсэттибит.
Бу форумтан чаҕылыйа сылдьар лидер кыыс, мин санаабар, Екатери­
на Софронова (Сунтаар, Сиэйэ). Кини кыыс оҕону иитии туһунан сүр-
дээх үчүгэйдик уу сахалыы кэпсээтэ. Саҥата-иҥэтэ, тыла-өһө лоп баач-
чы. Ь1ччакка холобур буолуон сөптөөх Айхал Габышев (Дьиэ кэргэн уон­
на 050 аймах дьыалаларыгар комитетын бэрэссэдээтэлин солбуйааччы)
баар.
Былааска тахсыбыт, норуоттарын олоҕор-дьаһаҕар сабыдыаллаабыт
дьахталлары история хас кэрдиис кэмин аайыттан холобурдуохха соп:
Жанна д’Арк, Екатерина II, Диана принцесса, о.д.а. Сахалартан билин н и
кэмнэ Е.И. Михайлова, Е.С. Никитина, З.А. Корнилова, Н И. Протопо­
пова уо.д.а бэлиэ дьон. Кыыс-дьахтар күүстээх санаалаах, тулуурдаах, ыл-
сыбытын гиһэҕэр тиэрдэр. Ол айылҕатыттан ситимнээх. Биһиги улууспу-
тугар Татьяна Петровна Ильина — дьахтар кэмитиэтин бэрэссэдээтэлэ.
Бэйэтэ стоматолог идэлээх. Миигин бу форумна кини уонна улуустааҕы
ыччат салаатын салайааччыта Андрей Васильевич Стрекаловскай салайан
ыыппыттара, онон махтанарбын биллэрэбин.
10 Заказ №106 145