Page 13 - Моя родина - Усть-Алданский улус

Уус Алдан өрөгөйүн ырыата

В. Парников, И. Сыроватскай тыллара
В. Парников мелодията

Байаҕантай, Дүпсүн сирэ
Бороҕоннуун сүбэ булан
Алдан, Лена тардыытыгар
Айар-тутар, үүнэ турар.

Хос ырыата:
Ахтар-саныыр, ыллыыр-туойар
Талба дойдум Уус Алдан,
Удьуор саха ууһуур-сайдар
Уйгу сирэ Уус Алдан.

Тойон Мүрү, Кыыс Хаҥа,
Бэттиэмэлээх Бээди курдук
Сыспай сиэллээх, ураа муостаах
Үөскүүр үтүө сирдээх-уоттаах.

Хос ырыата:
Көхтөөх үлэ күүрэр сирэ
Төрүт дойдум Уус Алдан,
Удьуор саха ууһуур-сайдар
Уйгу сирэ Уус Алдан.

Эллэй, Хоро өбүгэлээх,
Улуу Сэһэн бөлүһүөктээх,
Майаҕатта Бэрт Хараттан
Бөҕөс быһый уолаттардаах.
Хос ырыата:
Уйэлэргэ киэн туттубут
Ытык дойдум Уус Алдан,
Удьуор саха ууһуур-сайдар
Уйгу сирэ Уус Алдан.

Лөгөй Тойон өтө көрөн
Нууччалардыын доҕордоспут,
Күлүмнүүрдүүн өркөн өйү
Үөрэх-сайдыы суолун туппут.
Хос ырыата:
Дьоһун-мааны чулуу дьонноох
Дьоллоох дойдум Уус Алдан,
Удьуор саха ууһуур-сайдар
Уйгу сирэ Уус Алдан.