Page 322 - Дүпсүн сирэ

дьиир буолан совхоз тэриллиитигэр үлэлэспиппит. Элбэх эдэр ветеринардары
үөрэппит наставник быһыытынан үлэлии сылдьан бочуоттаах сынньалаҥҥа
барбыта. Мария Павловнаны кытта үлэлэспиттэрэ: Алексеева Мария Егоров­
на, Алексеева Зоя Николаевна күн бүгүҥҥэ диэри нэһилиэнньэ сүөһүтүн
эмтии-томтуу, үлэлии сылдьаллар. Неустроев Егор Егорович учаастактарга су-
бан сүөһү, күһүн сылгы эмтээһинэ, сайын үрэххэ субан турар сайылыктарыгар
атынан сылдьан эмтээһини, быһыыны, аттааһыны кэмиттэн кэмигэр оҥороро.
Отделениеҕа бастыҥ үлэһиттэр үгүс этилэр. Ыччат сүөһү көрөөччү Соловьев
Николай Николаевич, тракторист Соловьев Афанасий Андреевич уордьаннаах,
туруу үлэһит дьон этилэр. Уһун сылларга үтүө суобастаахтык трактор уруу-
лугар олорбут Новгородов Николай Иванович, водовоз суоппара чемпион уу
баһааччы Алексеев Иннокентий Парфирьевич, бензовоз суоппара Алексеев
Иван Николаевич, бастыҥ ыанньыксыттар Сивцев Семен Иванович, Ефимова
Мария Афанасьевна, Соловьев Петр Афанасьевич, норуот хаһаайыстыбатын
үтүөлээх үлэһитэ Жиркова Мария Егоровна уонна да атыттары ааттыы туруохха
сөп. Зоотехниктарынан бары да үрдүк үөрэхтээх учуонай зоотехниктар, кылгас-
кылгастык да буоллар, үлэлээбиттэрэ: Прибылых Павел Дмитрьевич, Струч­
ков Сергей Иннокентьевич, Прибылых Елизавета Афанасьевна. Бары үлэлиир
кэммитигэр отделение этин, үүтүн оҥоһуутугар былаан, эбэһээтэлистибэ туо-
луутун хааччыйар инниттэн сыал-сорук оностон үлэлэһэрбит. Үлэһит илии
тиийбэтэ улахан ыарыыбыт буолара. Совхоз, отделение сайдарын туһугар бары
күүспүтүн түмэн үлэлээбит сылларбыт кэлэн аастаҕа. Билигин пенсияҕа оло-
рон көрүстэхпитинэ ахтыһан, санаан ааһабыт. Совхозпут кылаабынай специа-
листарыттан кылаабынай быраастара Еорохов Николай Афанасьевич, Слепцо­
ва Альбина Петровна совхоз бары отделениеларын, ветеринарнай үлэһиттэри
эминэн-томунан хааччыйаллара, сүөһүгэ араас былааннаах эмтээһиннэри
тэрийэн ыыталлара. Сыл аайы ыарахан кыстык буолара, хаһан да аһылык
өттүнэн дэлэйбэт этибит, онон ыччат сүөһүгэ, ыанньык ынахха эбии аһылык
оҥоһулуннаҕына эрэ сатанара. Совхоз үрдүнэн хозчас директорынан Исаков
Кондрат Иннокентьевич элбэхтик үлэлэһэрэ. Эбии аһылык бэлэмэ, дулҕа быс-
тарыы, дьону тэрийэн субуотунньукка таһаарыы, Суоттуга саас-күһүн уотурба
кэллэҕинэ тыһыынчанан тоннаны отделениелартан куруусчуттары хомуйан,
сүүрэр массыыналары барытын илдьэ баран тиэйэн-таһан, сыллааҕы аһылыгы
быһааран тахсара. Өссө ахтан ааһыам этэ тутуу салаатыгар үрдүк үөрэхтээх
тутуу инженерэ Копырин Анатолий Михайлович туһунан. Үлэлээбит сылла-
рыгар тутуу күүскэ барбыта. Нэһилиэккэ чугаһынан суох оччотоооҕуга улахан
спортзал тутуллан үлэҕэ киирэн нэһилиэнньэ, ыччат махталын ылыан ылбыта.
Ону тэҥэ совхоз специалистара олорор уопсай дьиэлэрэ элбэхтик тутуллубут-
тара. Отделениеларга эмиэ араас тутуулар, сүөһү хотонноро, уопсай дьиэлэр
тутуллубуттара. Пилораманы күүскэ үлэлэтэн, чааһынай ыаллар, рабочайдар
дьиэни туттуулара ити кэмҥэ маассабай буолбутун бары билэбит. Үлэҕэ дьо­
ну тэрийэр, талааннаах специалиһы өрө таһаараннар тыа хаһаайыстыбатын
министерствотын биир бөдөҥ салаатыгар эппиэттээх үлэни кыайа-хото тутан,
үтүө суобастаахтык үлэлии-хамсыы сылдьар. Билигин дойдутугар, үлэлээбит
сиригэр-уотугар, Дүпсүнү уулааһын кэскиллээх боппуруоһунан дьарыктанар.
286