Page 8 - Ахтар-саныым үөрэҕим кыһата. Федоров Евстафий Федорович

КСЕНИЯ ИННОКЕНТЬЕВНА РУМЯНЦЕВА

1950 с. тохсунньу 1 күнүгэр Нам оройуонун Фрунзе нэһи-
лиэгэр холкуостаах дьиэ кэргэнигэр төрөөбүтэ. 1957 с. Баа-
таҕай оскуолатыгар үөрэнэ киирэр уонна 1966 с. бүтэрэр.
1969 с. Найахы орто оскуолатын бүтэрэр.
1969-1972 сс. «Оскуола-производство-үрдүк үөрэх» де-
виһинэн салайтаран, төрөөбүт нэһилиэгэр ыанньыксытынан
үтүө суобастаахтык үлэлээбитэ.
1973 с. Саха государственнай университетыгар саха салаа-
тыгар үөрэнэ киирэр уонна 1978 с. бүтэрэр.
1978 с. Баатаҕай ситэтэ суох орто оскуолатыгар интернат
воспитателинэн үлэтин саҕалыыр. Онтон уһатыллыбыт күн вос-
питателинэн, оскуола библиотекарынан, история учууталынан,
саха тылын уонна литературатын учууталынан үлэлиир.
1996 с. балаҕан ыйын 28 күнүгэр Н.Н.Тарскай аатынан
«Спорт Албан аатын» музейын тэрийэн аспыта. Онтон ыла му­
зей салайааччытынан, учууталынан, эбии үөрэхтээһин педаго-
гунан 2020 сылга дылы үлэлээбитэ.
Музей иһинэн үлэлиир «Дьулуур» куруһуок уонна «Биэттэ
дьүрүһүйэ» хомусчуттар ансамбллара үгүс ситиһиилэрдээхтэр.
Холобур, улуустааҕы Босиковскай ааҕыыларга I миэстэ, улуус-
тааҕы оскуола музейдарын көрүү конкурса I миэстэ, 2014 с.
«Хомус кырдала» республиканскай күрэххэ II стененнээх дипло­
мант, 2018 с. региональнай конкурска «Лучший краеведческий
музей» II степеннээх дипломант уо.д.а.
«Баатаҕай орто оскуолата» кинигэни редакциялаан та-
һаартарбыта. «Төрөөбүт түөлбэбит - Баатаҕай», «Улахан
олох аргыстара» кинигэлэр соавтордара. Нэһилиэк селькору-
нан үлэлээбитэ.
«Саха Республикатын үөрэҕириитин туйгуна», «Саха Рес-
публикатыгар физическай культура уонна спорт сайдыыла-
рыгар үтүөлэрин иһин», «Гражданскай килбиэн», «Уус-Алдан
улууһугар культура сайдыытыгар киллэрбит кылаатын иһин»
бэлиэлэринэн, СР Бырабыыталыстыбатын бочуоттаах грамо-
татынан наҕараадаламмыта, Учууталлар учууталлара, Баа-
таҕай нэһилиэгин бочуоттаах олохтооҕо, Баатаҕай оскуола­
тын бочуоттаах выпускнига ааттары сүкпүтэ.