Page 47 - Өксөкүлээх Уола 2009 223стр
P. 47
туора, хотунан-илининэн сылдьара. Онно дьонугар Амыдайга
кэллэҕинэ киһи бөҕө мустара. Өлөксөй кэлбит! Кэпсээн-
ипсээн, үөрүү-көтүү буолара. Олоҥхо, ырыа-тойук, сэһэн-
сэппэн бөҕө тахсара. Аҕата дьону кытта кэпсэтэрин Реас,
кыра сылдьан, саһан туран аҕатын кэтээн көрөрүн кэпсиирэ.
Биирдэ уолун ньилбэҕэр көтөҕөн олорон: «Хайа оҕом улаап-
пыт, киһи буолбут», — дии-дии, төбөтүн имэрийэ олорон
«Оҕолорум туһунан кинигэ суруйуом?!» диэн эппит.
Өр-өтөр буолбат Өлөксөй тэһийбэт. Маҥан атын сиэтэн
баран иһэр буолар үһү.
— Хайа, Өлөксөй, ханна бу бардыҥ? — Онуоха кини
эппиэттиирэ үһү.
— Верхоянскайга. Сороҕор Булуҥҥа, Өймөкөөҥҥө,— диэн.
— Оттон аһыыр аһыҥ, өйүөҥ, утуйар таҥаһыҥ ханна-
ный?
— Сахалыы сирэйдээх, сахалыы тыллаах баар буоллаҕы-
на, тугун эмиэ өйүөтэй, таҥаһай. Миигин тылым аһатар. Ол
эбэтэр остуоруйата, сэһэнэ, олоҥхото.
— Онно эн тугу гынар буолаҕыный?
— Ону эһиги билигин өйдүөххүт суоҕа. Кэнэҕэһин кэнэ-
ҕэс үөрэхтээхтэр, бар дьон өйдүөхтэрэ диэт, ааһа турар этэ,
— диэн уола Реас кэпсиирэ.
Биирдэ биһиги: Илья Сергеевич Стручков, Реас Алек-
сеевич уонна мин буолан Курбуһах сиригэр Түүлээйигэ са-
аскы куска бултаатыбыт.
Ити 1972 сыл Кыайыы күнүттэн Ньукуолуҥҥа диэри,
иччитэх быраҕыллыбыт өтөххө отуулаиабыт. Бултаабыт кус-
путун Ат Өттүүргэ умуһахха илдьэн ууран иһэбит. Реас
үчүгэй булчут эбит. Хараҕа сытыы, түүнҥү хараҥаҕа куһу
үчүгэйдик көрөр. Бэрт ытааччы, саата да үчүгэйэ, булчут
туттар тэрилин барытын илдьэ сылдьара. Утуйар таҥастаах.
Түүн үөһүтэр хараҥаҕа хайаан да оҥостон утуйар. Сарсыарда
кус көтүүтэ тохтообутун кэннэ аһыан иннинэ биир чаас ус-
тата зарядкалыыр, суунар-тараанар. Ол бириэмэҕэ Илья би-
һиги сарсыардааҥҥы, күнүскү аспытын бэлэмниибит. Аһаан
баран, Реас биир күөс быстыҥа оллоонноон олорон эрэн
хамсаҕа табаах уурунан тардар, ол олорон күнүн-дьылын,
айылҕатын кэтээн көрөр. Дьэ, ол кэннитгэн оҥостон олорон
суруксуттуур. Аҕатын туһунан романын суруйа сылдьар кэмэ
этэ. Чымадаан муҥунан араас матырыйаалы, аҕатын кинигэ-
лэрин укта сылдьара. Ол быыһыгар таатталар тустарынан
араас сэһэни кэпсиирэ. Айылҕаны олус сөбүлүүрэ. Кини тугу
эмэ булан бэлиэтии көрбүт буолар. Кэҕэ хайдах чыычаах
уйатын булан сымыыттыырын, о.д.а. тустарынан. Ону киэһэ
45
