Page 57 - Өксөкүлээх Уола 2009 223стр

Чурапчыга олордохпуна Реас Алексеевич Кулаковскай:
«Үтүө күн буоллун, Семен Андреевич.
Тааттаҕа сайылаан, күннээн дьиэбэр субу кэлэн олоро-
бун. Онон ыксааммын бу эдэр эрдэхтээҕи хаартыскабын
ыытабын. Оспуордаама дуу, хайаабытым да иһин бэйэм олор-
доҕум дии.
Вадим Валерьевич эйиэхэ привет ыытар. «Художествен-
най литератураҕа» аҕам суруйуутун таһаарда. Эйиэхэ ыытыах
курдук эппитэ.
Ити курдук. Бэрт баҕайытык олор, үлэлээ.
Реас. 14/Х-90 с.» — диэн суруга тиийэн кэлбитэ.
* * *

Реас Алексеевич Кулаковскай Чурапчыга олордохпуна,
Тааттаттан төннөн иһэн дьиэбэр-уоппар поэт Урсуннуун
анаан-минээн таарыйан ааспыттар этэ. Хайа күн суох буо-
лан биэрбиппин. Кырдьаҕас киһи суолта биэрэн, кэлэн бар-
бытын баттаспатахпыттан билиҥҥэ диэри хомойобун.
«Аҕам олоҕо» диэн кинигэтин анабыл суруктаан-бичик-
тээн хаалларбыт этэ. Онно Реас Алексеевич мин хогу төрөө-
бүппүн, кыпалҕалаахтык үөскээбиппин-улааппыппын эгэн
туран, киһи-хара буолан эрэрбиттэн үөрэрин уонна айар үлэ-
бэр ситиһиилэри баҕарарын биллэрбит дъоҥҥо-сэргэҕэ тиэр-
диэхтээҕим баара — ол суруктаах кинигэм Чурапчытааҕы
дьиэбэр хатанан турдаҕа дии. Ону хайыам баарай. Сурук ис
хоһоонун ити курдук тылбынан эрэ тиэрдэрбэр тиийэр буол-
лаҕым.
Олоххо тиһэх көрсүһүү тосхойоро диэн баар буоллаҕа.
Сааскы кэм этэ. Реас Алексеевич Кулаковскай Таатгаҕа көтөөрү
Маҕан авиапордугар олорор эбит этэ. Сэһэргэстибит. Кэп-
сэтиибит арай туран тары хайдах хаһааныыга тиийэн хаалла.
— Хата, доҕоор, ол аһы хаһаанарыҥ буоллар амсайыллыа
этэ буоллаҕа... — диэхтээбитэ.
Реас Алексеевич төһө даҕаны эрэх-турах тутган кэпсэттэр
аалларан ыалдьара биллэрэ. Ол эрэн туох биричиинэнэн дой-
дутугар тахсан эрэрин туһунан биир да тылы быкгараах-
таабатаҕа. Кини биһикки ити тиһэх көрсүһүүбүт эбит этэ...
Реас Алексеевич Кулаковскай көнө сүрэхтээх, үтүө суобас-
таах, ыллыктаах тьшлаах, өйдөөх-санаалаах интеллигенин, бу
күн сиригэр гражданскай иэһин бары өттүнэн төлөөбүт
үтүокэннээх киһи быһыытынан мин өйбөр-сүрэхпэр өрүүтүн
баар.

55