Page 130 - Е.Ф.Федоров. Уус-Алдан оройуона Сэбиэскэй сойуус Аҕа дойдуну көмүскүүр Улуу сэрии сылларыгар

1956 сыллаах күһүн ССКП райкомун Пленума олорор дьиэлэ-
ри тутууну күүһүрдэр дьаһаллар туһунан дьүүллэспитэ уонна
быһаччы соруктары туруорбута. ССКП Обкомун бюрота ити-
ни улахан суолталаах инициатива быһыытынан аахпыта уонна
республика атын оройуоннара өйүүллэригэр сүбэлээбитэ. Ити
барыта үчүгэй түмүктэрдээх буолла.
Оройуон холкуостара бэйэлэрин инициативаларын өссө
бастакы сылыгар - 1957 сыл устатыгар 304 холкуостаахтар
олорор дьиэлэрин, 6 электростанцияны, 3 кулуубу, 2 оскуола-
ны о.д.а. элбэх производственнай объектары тутаннар бэйэлэрэ
ылыммыт эбэһээтэлистибэлэрин толорбуттара. Ити сыллаахха
аҥардас “Победа” холкуос 62, Ленин аатынан холкуос 54 оло­
рор дьиэлэри туппуттара.
Холкуостар 1958 сыллаахха олорор дьиэлэри тутууну эмиэ
салгыыы ыытан, 264 олорор дьиэлэри тутан, холкуостаахтары
саҥа дьиэлэргэ киллэрбиттэрэ. Ленин аатынан холкуос ити
сыллаахха 66, Сталин аатынан холкуос 41 дьиэни тутан бүтэр-
биттэрэ.
Итинэн кэнники үс сылларга биһиги оройуоммут холкуо­
стара 800 олорор дьиэлэри тутаннар холкуостаахтары хааччый-
дылар, соҕотох Ленин аатынан холкуос 162, “Победа” холкуос
135 холкуостаахтары дьиэлээтилэр.
Кэнники сылларга олорор дьиэлэри тутууну, күүһүрдүү
холкуостаахтар олохторун-дьаһахтарын култуурунай таһымын
улаханнык өрө көтөхтө.
Ити сылларга олорор дьиэлэри, оскуолалар, балыыһа-
лар, кулууптар, садтар дьиэлэрин киэҥник тутуу холкуостар
бөһүөлэктэрин көрүҥүн улаханнык уларытта, култуурунай ки-
иннэринэн оҥордо.
Партизан Заболоцкай аатынан холкуос киин бөһүөлэгэ
Кэптэни “семилетнай оскуолалаах уонна балыыһалаах, сель-
скэй кулууптаах уонна библиотекалаах, төлөпүөн станциялаах
уонна радиоузеллаах, оҕо иитэр садтаах уонна дьааһылалаах,
уонна электростанциялаах, элбэх олорор дьиэлэрдээх улахан
култуурунай киининэн буолла. Кини “Уһун Күөл”, “Тулуна”,
“Томтор”, “Даалы” диэн учаастактара начальнай оскуолалаах-
тар, кулууптаахтар, оҕо дьааһылалаахтар, элбэх олорор дьиэ-
лэрдээхтэр. Билигин холкуостар бөһүөлэктэрэ уонна учаастак­
тара итинник буолла.
Оройуон холкуостара 130 условнай трактордаах уонна 26
комбайыннаах, 48 грузовой уонна 16 легковой массыыналаах
122