Page 45 - Кэнчээри ыччат туһугар

\
\
эМээри ыпат шуИугар V» ,

олорор, дьиэ улахан аҥаарыгар интернат эбит. Детсадым барахсан икки халааҥка,
биир күөстэнэргэ билиитэ оһохтоохтор. Кырыыһата суох, тэстэ тураахтыыр, үрдүк да
үрдүк, иһэ сыбахтаах испиэскэлэнэр дьиэ буолла. Дьэ мантан саҕаланна үлэлиир сири
тупсарыы, үлэһиттэр үлэлиир усулуобуйаларын тэрийии. Бу кэнниттэн саҥа детсад
дьиэтин туруорсуу буолан, сопхуос 50 миэстэлээх, улахан типовой оҕо саадын тутан,
1989 сыллаахха үлэҕэ киллэрэн, нэһилиэк дьоно үөрүүбүт өрөгөйдөөбүтэ, кэлии-барыы,
күүстээх үлэ саҕаламмыта.
Онтон халаан уута кэлэн, детсадпытын ылан, сыыйа акылаата сытыйан барда.
Сылын аайы өрөмүөн күүһүнэн олордубут. Ол да буоллар, ирдэнэр программала-
рынан үлэ күүстээхтик барара. Ону таһынан хас биирдии саха оҕото төрөөбүт дойдутун,
олорор түөлбэтин, кимтэн төрүттээҕин, дьоно-сэргэтэ тугунан дьарыктаналларын,
таҥастарын-саптарын, астарын-үөллэрин, хайдах тугунан бултаан олороллорун, үүнэр
отун-маһын, сибэккитин, төрөөбүт тылын, саха фольклорун үөрэтэн, билэ, таптыы,
сиэрдээх-майгылаах, ыллыктаах санаалаах улааталларыгар эбии үөрэхтээһини тэрийэн
үлэлээн, бу үтүө үгэспитин 40 сыл тутан кэллибит.
Сыралҕаннаах утум кэмнээх үлэбит үтүөнэн салҕанан, кэрэнэн түмүктэнэн, Россияҕа,
өрөспүүбүлүкэҕэ бастыҥ үлэлээх, баай методикалаах уһуйааннар истэригэр киирсэр-
бититтэн үөрэбит.
Бу үлэлээбитим устата элбэх кэрэ үөрүүлээх түгэннэр буолан аастылар. Ол курдук,
Улуу Кытай сиригэр-уотугар тиийэн, биир бастыҥ университетыгар студеннар аудито-
рияларыгар киирэн, микрофоннаах хас биирдии миэстэҕэ олорон, семинарга кыттыы,
Улуу Москва куоракка Россия араас омуктарын 400 педагогтарын кытта тэҥҥэ хаамсан,
19-с үйэ уонна иккиһин 2-с үйэ НПК-гар кыттан, инники соруктары ылынан кэлбиппит.
Бу кэлии-барыы кэрэҕэ, үтүөҕэ, үлэ ис кистэлэҥэр үөрэтэн, саҥа сүүрээннэри кил-
лэрэн, үлэ былааннаахтык сылтан сыл салҕанар.
Ханнык баҕарар тэрилтэ материальнай базата сөптөөх буоллаҕына, үлэ барыыта
тупсар. Туруорсуу кэнниттэн 2018 с. 50 миэстэлээх саҥа таас детсад үлэҕэ киирэн, хас
биирдии оҕо, үлэһит, төрөппүт бииргэ үлэлииллэригэр үтүө түмүктэри түстээтэ. Ити
курдук коллектив айа-тута үлэлиир. Олус үлэһит, ил-эйэ аргыстаах үлэһиттэри кытта
уһун сылларга алтыспыт кэмнэрбин, 54 сылы, ол иһиттэн 39 сыл сэбиэдиссэйдээбит
кэммин, олоҕум саамай кэрэ-бэлиэ күнүнэн саныыбын, дьоллооҕунан ааҕынабын.
Саха сатаабата суох дииллэрин курдук, иллэҥ кэммэр түүлээхтэн, тыстан, таҥастан
иистэниэхпин сөп, баайарбын урут сөбүлүүр этим. Кэлин оҕуруонан киэргэллэри оҥор-
туубун. Ас астыырбын наһаа сөбүлүүбүн. Общественнай сэбиэт бэрэссэдээтэлинэн,
Түүлээх нэһилиэгин наставниктарын сүбэтин салайааччытынан үлэлиибин.