Page 47 - Кэнчээри ыччат туһугар

тгээри ыИаш туЯугар

тахсыахтарыгар диэри повардаабыттара. Бу бииргэ үлэлээбит ийэм саастыыта уонна
онтон да аҕа саастаах дьахталлары кытта олус тапсан, биир сүнньүлээхтик үлэлээбип-
пит. Кинилэртэн үлэҕэ-хамнаска үрдүк эппиэтинэстээх, олоххо-дьаһахха актыыбынай
позициялаах буоларга уһуйуллубутум буолуо. Бииргэ үлэлээбит коллегаларым бары
да улахан ыал ийэлэрэ, хастыы эмэ оҕолоро студент этилэр, үксүлэрэ дьиэлэригэр
кэтэһэн олорор, кинилэр сылаас сыһыаннарыгар наадыйар кырдьаҕастардаах, сорох-
торо ыарыһах оҕолордоох, эбэтэр соҕотох ийэлэр буолаллара. Билигин санаатахха,
олоххо олус тардыһыылаах, тулуурдаах, дьэнкир ыраас ыра санаалаах, сүрдээх аһаҕас
кэпсээннээх, үчүгэйи-кэрэни ыралыыр ис киирбэх саха боростуой үлэһит дьахталлара,
ийэлэрэ этилэр. Кинилэр баҕа санаалара, ыралара туолан, билигин кинилэр оҕолоро
бүтүн нэһилиэк киэн туттар түс-бас дьоно буолан, өрөспүүбүлүкэ араас муннуктарыгар
айымньылаахтык үлэлии-хамсыы сылдьаллар.
Мин Чурапчы уолугар кэргэн тахсан, Эрилик Эристиин дойдутугар Чурапчы Чакырын
детсадыгар икки сыл (1976-78 сс.) сэбиэдиссэйдээбитим. Чакыр «Эрилик Эристиин»
сопхуос отделениета этэ. Детсад син саҥардыы тутуллубут киэҥ-куоҥ дьиэ, икки
группалааҕа. Анал үөрэхтээх эдэр иитээччилэр үлэлээбиттэрэ. Коллектив сүрдээх
эйэлээх этэ, бэйэбин үөрэ-көтө көрсүбүттэрэ.
1984-1988 сс. Герой Егоров аатынан сопхуос дьааһыла-саадыгар сэбиэдиссэйинэн
үлэлээбитим. Онтон 1988-1990 сылларга Танда орто оскуолатыгар производственнай
үөрэхтээһиҥҥэ учууталлаабытым. 1990-1996 сс. Танда «Кэнчээри» детсадыгар иитээч-
чинэн үлэлээбитим.
Танда детсадыгар барыта 13 сыл үлэлээтим, онтон алта сыл сэбиэдиссэйинэн, сэттэ
сыл иитээччинэн. Мин үлэлиир кэммэр детсад материальнай-техническэй базата
бөҕөргүүрүгэр элбэх мал-сал булуллубута, методическай кабинет паспордаммыта,
интернациональнай иитии ис хоһоонноохтук ыытыллыбыта. Үлэһиттэр былаан быһыы-
тынан курстарга, семинардарга, педагогическай ааҕыыларга кытталлара, үлэлэрин
ситимнээхтик ыыталлара. Тэрилтэм үлэһиттэрэ айымньылаахтык үлэлии-хамсыы
сылдьалларыттан, детсадпытын ааттата туралларыттан астынабын.
1996 с. биһиги дьиэ кэргэн аҕабыт Намнааҕы педколледжка үлэлии кэлэринэн Намҥа
көһөн кэлбиппит. Мин манна 1996-2007 сс. учууталынан үлэлээн, пенсияҕа тахсыбытым.
Онон оҕо иитиитигэр-үөрэтиитигэр барыта 43 сыл үлэлээтим.

45
А