Page 5 - Кэнчээри ыччат туһугар

н1ээри ыНат т. 'гар

КИИРИИТЭ

Биир кэмҥэ миэхэ дьиэбэр Р.П. Попова уонна Е.Н. Гоголева көрсө
түһэн, кэпсэтии буолбута. Раиса Петровна сэбиэдиссэйдээн уурайбыт
кэмэ этэ. Киһибит: «Оо, бу Федоровнаҕа мустан, хоно сытан кэпсэппит
киһи-ии», - диэн эттэ. Бииргэ үлэлээбит, үчүгэйдик саныыр дьонун
улаханнык ахтара биллэрэ. Кини сотору суох буолбута. Екатерина Ни-
колаевна дьүөгэтин этиитин кэриэс курдук ылынан, 2010 сыллаахха
ыҥырсан, элбэх буолан, Суоттуга «Доҕордоһуу» музейыгар бастакы
көрсүһүүнү тэрийэн ыыппыта. Хоно сытан, бэрт элбэҕи кэпсэтэн, ис
хоһоонноохтук күммүтүн атааран, бэркэ астынан, аны да көрсүөх буолан
тарҕаспыппыт.
Онтон салгыы араас көрсүһүүлэр элбэхтик буолбуттара. Бу уонтан
тахса сыл устата түмсүү былааннаахтык, көхтөөхтүк үлэлээн кэллэ. Көр-
сүһүүлэри тэрийиигэ анаммыттар эппиэтинэстээхтик сыһыаннаһалла-
рын бэлиэтиэххэ наада. Ол курдук, биир тэрээһин атыҥҥа маарыннаабат
- ыытыллар сиринэн, ис хоһоонунан, кыттааччыларынан. Ону таһынан
күннээҕи сонуннары билиһиннэрии, үөрүүнү-хомолтону үллэстии,
бэйэ-бэйэҕэ көмөлөсүһүү, истиҥ сыһыан группа олоҕор бигэтик киирдэ.
2015 сылтан түмсүүбүт «Хаачылаана» (үтүөнү, кэрэни оҥорооччу)
диэн олус сөпкө ааттанан үлэлиир. «Хаачылаана» түмсүү бу уустук
кэмҥэ биһигини барыбытын сибээстиир: бэйэ-бэйэбитин өйөнсөн,
туох ситиһиилэрдээхпитин, туох саҥаны, сонуну билсэ олорорбутуттан
астынабыт. Араас ыытыллар тэрээһиннэргэ эрдэттэн бэлэмнэнэн, долгуйа
кэтэһэн, этиллибит сорудахтары толорон көрсөбүт. Ол көрсүһүүлэргэ
бары үөрэ-көтө элбэх сырдык күүс ылан, араас умнуллубат түгэннэртэн
сүргэбит көтөҕүллэн төннөбүт. Бииргэ үлэлээбит коллегаларбыт араас
талааннарын, дьоҕурдарын сөҕө-махтайа көрөбүт.
Түмсүү хара маҥнайгыттан аһаҕас, ким баҕарар киириэн сөп диэн
этэ. Бу кэлин саҥа дьон кэлэн, сэргэхсийии буолла дии саныыбын.
Аны кинилэр салайан, дьаһайан, саҕаламмыт дьыаланы симэлиппэккэ,
саҥалыы тыыннаан, сайыннаран, «Хаачылаана» аата өссө да өр ааттаныа
диэн эрэнэбин.

Елизавета Федоровна Сивцева,
Уус Алдан улууһун оскуола иннинээҕи уөрэхтээһин
тэрилтэлэрин бэтэрээн сэбиэдиссэйдэрин
«Хаачылаана» тумсуулэрин салайааччыта