Page 6 - Кэнчээри ыччат туһугар

2 0 1 0 с.

2010 с. атырдьах ыйын 25-26 күннэригэр Гоголева Екатерина Николаевна тэри-
йиитинэн Суотту музей-заповеднигар, онтон-мантан ыҥырсан, хоно сытан, ирэ-хоро
кэпсэтэн, бэркэ астынан сылдьыбыппыт. Коллегабыт, хоһоон айар Иванова Г.Н. бэйэтин
айымньыларын кытта билиһиннэрбитэ.
Икки күнү быһа биһигини арыаллаан, экскурсиялаан музей дириэктэрэ Кулаковская
Раиса Реасовна сылдьыбыта. Ону Екатерина Николаевна: «Раиса Реасовна правительство
дьонун эрэ бэйэтинэн арыаллааччы. Онон эһиги оннук үрдүк таһымҥа сырыттыгыт», -
диэн үөрдүбүтэ. Бүтэһиккэ маннык түмсүүлэр наадалаахтар эбит, өссө салгыаҕыҥ,
көрсүөҕүҥ диэн санаалаах тарҕаспыппыт.

2 0 1 1 с.

Иккис көрсүһүүбүтүн 2011 с. от ыйын 23 күнүгэр Чараҥ литературнай музейыгар
Андросова Людмила Афанасьевна, Бурцева Клара Гаврильевна тэрийэн ыыппыттара.
Музейга экскурсия, коллекционердар быыстапкалара буолбута. Клара Гаврильевна
- уруучука, Людмила Афанасьевна - сибэкки открыткалара, хаартыскалара, Марина Ро-
мановна - сүүтүк, Ольга Романовна Ноговицына - носовой платок, Елизавета Федоровна
харандаас мунньубуттарын аҕалан көрдөрбүттэрэ, кэпсээбиттэрэ.
Биир интэриэһинэй түгэнинэн Чараҥҥа даачатыгар сынньана сылдьар, медицинскэй
наука кандидата, өрөспүүбүлүкэҕэ биллэр гинеколог-быраас Тролукова Е.Н. кыттыыны
ылбыта буолбута. Елена Николаевна сааһыран эрэр дьахталлар проблемаларыгар элбэх
сүбэни-аманы биэрбитэ, ыйытыыларга эппиэттээбитэ. Бэйэтэ тэрийбит балаҕан-музе-
йыгар сырытыннарбыта. Элбэх былыргы туттар тэриллэри, иһит-хомуос муспута эмиэ
туспа кэпсээн этэ. Даача дьиэтигэр оҕо сылдьан утуйбут оронун көрдөрбүтэ. Саха ууһа
оҥорбут дьоҕус баҕайы мас кырабаат. Атаҕар кинигэ уурар полкалаах, таҥас ыйыырдаах.
Аныгылыы эттэххэ, «многофункциональнай» орон. Бэйэтэ үчүгэйдик иистэнэр эбит,
тикпит таҥастара эмиэ сонуннар. Саҥа интэриэһинэй дьону кытта билсэр киһиэхэ
үчүгэйтэн атыны аҕалбат.