Page 52 - Кэнчээри ыччат туһугар

иһин киэргэтэбин. Таҥас кырадаһыныттан көбүөр, иистэнэр иһит, иннэлик, кыптыый
хаата, оҕолорбор, сиэннэрбэр, хос сиэннэрбэр биирдиилэригэр олбох тигэн, бу Саҥа
дьылга бэлэх оҥорон үөрдүбүтүм. фоамиранынан, атлас лиэнтэнэн сибэккилэри
оҥорорбун сөбүлүүбүн. Оҕуруонан быысапканы кытта боруобалаан, лаглаҕар хатыҥ
оҥорбутум.
«Үһүс саас» оскуолаҕа сылдьан, дьарыктанан, убаһа кутуругуттан олбох, аҕыс утаһы-
нынан, маҥан кылынан суумка өрүннүм. Ол быыһыгар хабаҕынан эмиэ хаппар оҥостон,
тутта сылдьабын.
1973 сылтан оҕуруотунан дьарыктанан, үгүс араас үүнээйилэри олордон, онтон кэн-
сиэрбэ арааһын оҥорон, дьоммун тото-хата аһатан үөрдэбин. Хаппырыыс хаппыыстаны
бастакынан олордон, уопутум тарҕанан, билигин элбэх хаһаайка олордор буолла. Саас
хаппыыста рассадата атыылаан, пенсиябар эбинэбин. Онтон сибэкки арааһын олордон,
тиэргэммин сэргэхситэбин. 1978 сыллаахха сардаана сибэккини көһөрөн аҕалан олорду-
буппут билигин ситэн, силигилээн, кэлбит-барбыт дьон хараҕын үөрдэр. Сибэккилэртэн
калла хортуоскатын суруйтаран ылан, 2000 сыллаахха олордубутум, билигин да тэнитэн
үүннэрэбин. «Лилия азиатская» диэн үүнээйи луковицатын суруйтаран олордон, таһыр-
дьа кыстаппытым. Онтукайбын кэтээн-манаан бөҕө биэрбитим. Хойутуу баҕайы тахсан
үөрдүбүтэ, наһаа хойуутук төрөөбүт (малолетка) бөҕө. Тугунан да саппатаҕым, быйыл
эмиэ кэтэһэбин.
Коллекционердар «Эркээйи» түмсүүлэригэр киирбитим. Октябренок, пионер, ком-
сомол диэн тиэмэлэринэн коллекциялыыбын. «Мы из СССР» диэн тиэмэнэн бытархай
туттулла сылдьыбыт маллары мунньан саҕалаатым. Ити курдук саҥа үйэ олоҕор тэҥҥэ
хардыылаан, ииппит ыччаттарбын кытта бииргэ үөрэбин-көтөбүн.
Үс оҕолоохпун, аҕыс сиэннээхпин, түөрт хос сиэннээхпин. Кэргэмминээн 50 сыл
бииргэ дьоллоохтук олоробут. Сиэннэрбин, хос сиэннэрбин тугу сатыырбар бэйэм
холобурбунан үөрэтэ-такайа сылдьабын.