Page 74 - Кэнчээри ыччат туһугар

тХээри ыПаж т.

көмөлөһөммүт күн бүгүнүгэр диэри махтал тылла-
рын истэбит. Ыыппыт үлэбит уопута түөрт кини-
гэҕэ тахсыбыта. 2000 сыллаахха өрөспүүбүлүкэт-
тэн 30 тыһ. солк. грант ылбытым.
Үлэлээн бүтэн баран, сиэннэри көрсөр этим.
Кэлин куоракка «Үһүс көлүөнэ оскуолата» түөрт
куруһуогар сылдьан, үөрэнэн, дойдубар тахсан
олорор кэммэр эбэлэр, ийэлэр көрдөһүүлэринэн
«Сарыал» иистэнньэҥнэр куруһуоктарын тэрийэн,
кыралаан иистэнэбит, сатабылларга үөрэнэбит.
Өрөспүүбүлүкэтээҕи, улуустааҕы быыстапкаларга
үлэлэрбит хаста да турбуттара.
Мин дьоллоох киһибин. Кэнчээри ыччаты
иитиһэн, дьиэ кэргэн оҕолорун үтүө суолга сир-
дэспит буоламмын, таптыыр үлэбинэн кыаҕым
баарынан үлэлээбиппинэн. Ыал буолан, үс оҕоҕо
күн сирин көрдөрөн, үгүс сиэннэнэн, ааппытын
ааттатар кэнчээрилээхпитинэн. Сааһыран да
олордорбун, иис сатабылын эбэлэргэ, ийэлэргэ
үөрэтэн, бириэмэни туһалаахтык атаарарбытынан.
Үгүс сылы сыралаһан үлэлээбит үлэбин эдэр,
киэҥ билиилээх Спиридонова М.Н. туттар-
быппынан киэҥ туттабын. Үлэлээбит үлэбитин
аныгылыы сайыннаран үрдүккэ көтүппүтүттэн
астынабын. Махтанабын, дьоллонобун оҕо иитии-
тигэр үлэлээбит кэмим устатыгар үтүөҕэ, кэрэҕэ
сирдээбит салайааччыларбар Сивцева Е.Ф., Бурнашева Е.И., Троева Л.Д., Павлова М.С.
түбэспиппинэн, бииргэ алтыспыппынан. Ити курдук сиргэ кэлбит аналбын сөпкө олор-
дум, кэнчээри ыччаты иитиһэргэ кылааппын киллэрдим дии саныыбын.