Page 79 - Кэнчээри ыччат туһугар

(У^СэнШри ыПам туИушр

ПОРТНЯГИНА МАРИЯ АФАНАСЬЕВНА
(30.10.1955)

РФ "уөрэҕириитин бочуоттаах улэһитэ, Саха Өрөс-
пуубулукэтин уөрэҕириитин туйгуна, «Уус Алдан улууһун
уөрэҕин сайдыытыгар кылаатын иһин» бэлиэ, Российскай
Федерация Үөрэҕин министиэристибэтин бочуотунай гра-
мотатын хаһаайката, педагогическай улэ бэтэрээнэ

Мин Бүлүү оройуонун Кыргыдай нэһилиэгэр төрөөбүтүм.
1978 с. Бүлүүтээҕи педучилищены бүтэрэн баран, Уус Алдан
улууһугар Саһылыкаан начальнай оскуолатыгар учууталынан
ананан, Находкина Р.Е. кытта иккиэ буолан, үлэлии кэлбип-
пит. Раиса икки сыл үлэлээбитэ, онтон Суоттуга ыал буолан
көспүтэ. Мин олохтоох уолга кэргэн тахсан, олохсуйбут
дойдубуттан сыҕарыйбакка 9 сыл соҕотоҕун үс кылааска
учууталынан үлэлээбитим.
Ити кэмнэргэ 1982 с. олохтоох детсадпытын оҕото аҕыйах диэннэр Суоттуга көһөрөн
киллэрбиттэрэ. Онтон кэлин Саһылыкааҥҥа кыра оҕо ахсаана сыыйа эбиллэн, аны
детсад наада буолбута. Олохтоохтор Суоттуга көһөрбүт детсады төннөрөргө туруорсу-
буттара да, сэбиэт салалтата Суоттуга «Чэчир» детсад үлэһиттэрэ үлэтэ суох хаалаллара
сатаммат диэн киирбит детсады таһаарбатахтара, Саһылыкааҥҥа саҥаттан детсад ары-
йыахха наада диэн быһаарбыттара. Ол детсады саҥаттан арыйыы эттэххэ эрэ дөбөҥө,
оччолорго ыарахаттардаах этэ. Мин учууталлыы сырыттахпына, үөрэх управлениетын
начальнига Данилов Иван Николаевич ыҥыран ылан, «Саһылыкааҥҥа детсад арыйыахха
наада, эн онно сэбиэдиссэйинэн ананаҕын, биир сылынан детсады арыйаҕын» диэн
кэбиспитэ. Инньэ гынан 1987 с. сэтинньи ыйтан докумуона да, туга да суох детсад
сэбиэдиссэйэ буолан хаалбытым. Ол сыл эргэ детсад дьиэтин көһөттөрөн, саҥалыы
туттаран, туох баар малын-салын, миэбэлин саҥалыы булан, элбэх түбүгү көрүстэрбит
да, син эппит болдьохторугар 1988 с. детсад саҥалыы арылларын ситиспитим. Кэлин
санаан көрдөхпүнэ, халтайга үлэлээбэтэх эбиппин, Саһылыкааҥҥа детсад билиҥҥэ диэ-
ри тигинэччи үлэлии олорор оҥкулун оҥорбуппуттан бэйэм сэмээр астына саныыбын.