Page 84 - Кэнчээри ыччат туһугар

ыпат туИугар
А

кытта тэҥҥэ хардыылаан, «менеджер муниципальной службы», «юристпруденция»,
«менеджер культуры» идэлэригэр үөрэммитим.
Түмүкпэр «Хаачылаана» түмсүү туһунан аҕыйах тылы суруйуохпун баҕарабын. Орто
дойдуга олорор олох, үлэ сүрдээх түргэнник устан ааһар эбит. Сааһыран истэхпит аайы
ону өссө билинэр буолабыт быһыылаах. Мин 2002 с. атын үлэҕэ баран баран, 21 сыл
оскуола иннинээҕи иитии-үөрэтии эйгэтигэр үлэлээбит олоҕум кэрдиис кэмэ умнууга
хаалбыт курдук буолбута. Ону өссө үлэлии сылдьар буолан, улаханнык болҕомтоҕо
ылбат этим.
Өр сыл Кэптэни оҕо саадыгар олус таһаарыылаахтык сэбиэдиссэйинэн үлэлээбит
Попова Р.П. пенсияҕа тахсыбыта. Хам-түм көрсөн үлэлээбит кэмнэрбитин, салайаач-
чыларбытын, коллегаларбытын олус истиҥник кэпсэтэрбит, саныырбыт. Кини куруук
көрүстэҕин аайы «түмсүүтэ тэриниэххэ, эн дьаһаллаах киһи тэрий» диирэ. Онтон эмискэ
улаханнык ыалдьан, күн сириттэн барбыта... Раиса Петровна баҕа санаатын Елизавета
Федоровнаҕа этэн, толкуйдаан баран, бэтэрээн сэбиэдиссэйдэр түмсүүлэрин тэринэргэ
быһаарынан номнуо 10 сыл түмсэн, бииргэ буолан, сарсыарда аайы эҕэрдэ ыытыһан,
олохпут сонунун үллэстэн, дьонноох-сэргэлээх курдук сананан, өрөспүүбүлүкэҕэ
оскуола иннинээҕи иитии-үөрэтии тэрилтэлэрин бэтэрээн сэбиэдиссэйдэрин соҕотох
түмсүүтэ буолан кэллибит.