Page 185 - Былыр этэ диэххэ

чолоох оттоох сиргэ тиксибиккиттэн үөрбэккэ, нохоо, тугуҥ ты-
лай, кэтэххинэн таттардыҥ...» Дьэбдьэни собуоттаан туһа тах-
сыбат, мах бэрдэрэн төннүбүттэрэ. Бэйэҥ эрдэ киирбэккэҕин,
хата сотору сыта илигинэ быһыытын кыайдаххына сатаныан сөп
эбит диэн, окко сылдьа үөрэхтээх эмээхсин оҕонньорун маат
ыыппыта. Биригээдэлэр кэлэр-барар айаннарын аартыга. Ити-
бу киһини киһиргэтэн, үчүгэй оҥоһуулаах хотуурунан оҕустаран,
туһанан син сатаабыт. Бугул кыайан батан турбатыттан иккилии
өргөн саҕа оҥортообуттарын күһүн холбооттоон, чугаһынан суох
икки улахан кэбиһиилээх оту дьэндэппиттэр этэ. Кэлэн тут диэн
илдьиттээбиттэр. Анаан сир мээрэйдиир мастанан тиийбиппэр,
оҕонньорум татыаккаланыы бөҕөтө. Сэбиэскэй сирин оттообу-
тум. Хантан да уорбатаҕым диэн бааһыы кытаанаҕа, батыһа сыл-
дьан ньаҕыйда. Көлкүлээтэргэ охсон көрбүтүм, сордоохтор хо-
дуһалара гааны кыайбата. Дьэ, доҕоор, туох да диэн үөх, оккун
ханнык арассыаҥканан тутарбын билбэтим. Бу Сойуус үрдүнэн
бигэргэммит арассыаҥкаҕа биир гаатыттан үс сүүс киилэттэн
өрө кэлэр ходуһатыгар бачча диэн быһаарбытым үрдүнэн дэл-
би үөҕэн, уопсай тылы булбакка, отун туттарбакка араҕыстыбыт.
Управляющай бэйэтэ туттун диэбиппин сокуон оҥостон, кэлэ сы-
рыттаҕына тиэйэн илдьэн кээмэйдэттим. Уон түөрт туонна диэн
тутта. Сааттыҥ дуо, син тутар киһи баар эбит диэн оҕонньорум
санаабытын этэн баран тэйдэ. Дьэ үүнүү диэбэккит дуо? Өссө
кыайтаран охсуллубакка элбэх сир хаалбыта. Арааһа, гаатыттан
уон алта туонна кэлиэхтээҕэ хааллаҕа. Биһиги Танда курдук үрэх
сирдээх, үүнүүтүнэн Уус Алданнарга хайҕанар ходуһалаах дойду
оҕото Хоту сир ото төһө үүнүүлээҕин мээрэйдэһэ сылдьан абаа-
һы киһитигэр киирэн биэрэн үөхтэрэн турабын. Ол да үөҕүстэр
уолум диэн манньыйбытынан сылдьааччы.
Сылгыһыттарга окко эмиэ былаан тиэрдиллэр. Добдугур си-
бэниэтэ Хабаарап Сиэнньэни модьуйбуттар. Киһилэрэ аара
Хатыҥнаах диэн сиһи кыйа угут дьыл тоҥо ирэн туорпа буора
кутаҕа кубулуйан, кыра-кыра көлүйэлэрин ситим тардан, уутун
Аргаакыга кутар сиргэ оттообут. Сииги батыһа от барахсан уһуу-
туу-уһутуу үүнэр. Кустан эрэ умсаах таптаан төрүүр. Боруутун,
ылаҕанын амсайбыт тайах уһун сайыны быһа ууттан тахсыбакка
бырдах намтыар диэри сытар бүччүм-бүччүм уулардаах.
Отчутум кыракый сыһыылар туомнарын бата охсон, аҥаардас
7