Page 295 - Былыр этэ диэххэ

Буобаргыт куһу үргүү олороруттан дьонун куһунан эбиэттэтээри
миигин байымнык күндүлээтэ диибин ээ. Сатахха уу аһа уу аһын
курдук киирбитэ биллибэтэ сүр», — диэбит. Дьон саллан тугу
да саҥарбатахтар. Буобардарыгар көмөлөстөхтөрүнэ эрэ дэбигис
өл хабалларын өйдөөн, сэттэ уомулу ыраастыы охсон иккистээн
буһаран, хойутаан үлэлэригэр тахсыбыттар. «Быйыл кус оҕото
киллэриитэ үчүгэй. Хата күһүн кэлээр. Кустаан барыаҥ». «Кыр-
дьык, мотуорунан кэлэн иһэн көрдөххө, оҕолоох кустар аалынан
уста сылдьаллара үчүгэйэ. Ээ, мин соччо сааһыта суох киһибин.
Эр киһи аатын эрэ ылаары, дьону батыһан, сааскы куска тоҥон-
тоҥон биирдии эмэ чыккымайдаах кэлээччибит», — дойду сирин
булдун кэпсээбит. Дьэ биһиэхэ сааскы куска кэлбэккэҕин тоҥо-
ро оонньотуо суох этэ. Олохтоохтор киһиргээн тойону ыҥырбыт-
тара табыллан, күлүктэригэр имнэнсибиттэр.
Үлэх курдук күһүн от хаачыстыбатын бэрэбиэркэлиир со-
рудахтаах оройуон инструктора сааланан-саадахтанан, ачыаһы-
ран аҕай сөмөлүөтүнэн кэлэн түспүт. Урут сылдьыбыт ыалы-
гар Чыркыап Сэмэннээххэ түһэр. Ааныка тойон хоноһолонон
дьиэрэҥкэй бэрдинэн сылдьар. Ас астаан Хоноһотун аһата
олордоҕуна, Чычыгынаарап Федялаах киэһээҥҥи көтүү куска
барсарын-барсыбатын билсэ бу тиийэн кэлбиттэр. Остуолтан
турбаттыы олорор оҕонньордоро үөрэн халахайдана түспүт. «Хата
эрдэ киирэн олоруллуо. «Мин хараҥаҕа көрөн ытааччым суох,
онон эрдэ киирэрим ордук». «Бу сырдыкка эйиэхэ табан кэлиэх-
тэрэ суох. Биһиги хараҥарыыта биирдэ ытабыт». «Чэ, буоллун,
кустаабыт аата кустаабыт. Миигин эрдэ киллэрэн оннубун бул-
ларыҥ». «Оччоҕо сылгы далын туһунан Моряк сааскы кураанах
куска олорбут дьэһээркэтиттэн биир дьэһээркэтэ бүтүн турар».
«Хата үчүгэй, ол сиргит кураанах ини». «Кураанах бөҕө. Балаҕан
Ойоҕос тумуһаҕын таба көтөр, кус сыбыытыыр ахан сирэ», —
Өндүрэй уһун баттаҕын кэҕис гынан билээҕимсийэн имэриммит.
Ити курдук мин дьонум тойон диэн баран биир хаптаҥнаһыы.
Киһибит ол тухары куска киирэ охсор баҕаҕа мээнэ-мээнэ симиммит.
Кыргыттар оҥорбут бэрэскилэрин ууллубут арыыга уган ыла-ыла,
ыстаабакка да кэриэтэ ыйыстаталаабыт. «Баччаттан кустаатахпына,
таах олоруохтааҕар аһыы олоруом этэ. Ыл, Ааныкаа, хочулуок оҕо-
туна булан кулу». «Ээ, сөп буоллаҕа». Ааныка хочулуок көрдүүр аак-
ка түстэ. Сатахха, отчуттара иһиттэрин-хомуостарын аҕала иликтэр.
117