Page 102 - До5ордуулар суруйсуулара

Неру бэйэтин Индиятын чахчы ис сүрэҕиттэн ыалдьан туран
ырытар эбит. Итинник ырытыы биһиэхэ эмиэ наада. Неру
алҕаһынан буолар, мин санаабар, интеллигенцияҕа, бааһынайга
олус улахан суолтаны биэриитэ, пролетариаты ситэ сыаналаабата.
Оттон Индия коммунистарын алҕастарын туһунан олус киһи
өйүгэр түһүмтүө тына этэр эбит. Дьэ, ити киһи этэрин курдук
туттар буоллахтарына, чахчы сыыһаллар. Оттон Кытай
«хаҥастара» Маоны бааһынайдарга суолта биэрэрин иһин
кулаахтыы бэлиитикэлээххин диэн үөҕэллэрэ эбээт. Оруобуна ити
34-35 сылларга.
Индияҕа хамнааһыны маҥнай дэриэбинэттэн саҕалыыр сөп
буолуо эбитэ буолуо, син биир Кытай курдук. Ол аата маҥнай
сана — демократическай революция кыайыахтаах, онтон
социалистическай революцияҕа халбарытыахха наада этэ. Ону
баара Индия коммунистара социалистическай революцияны хара
маҥнайгыттан оҥороору гынар буоллахтара.
Неру аан дойду улуу дьонноруттан биирдэстэрэ, ол гынан
баран кини туһунан эмиэ биир улуу киһи (У.Фостер) этэн
турардаах: Индия, Кытай норуоттарын социализмаҕа Нерулар
буолбакка, Мао Цзе-дуннар аҕалыахтара диэн. Арааһа, ити этии
оччотооҕуга (1944 с.) сөп буолуо. Оттон билигин Неру тыыннаах
киһи буоларын быһыытынан, урукку алҕас көрүүлэрин уларытан
саҥа таба көрүүлэргэ кэлиэн эмиэ сөп. Онон Неру туһунан
ханнык эмэ быһаччы түмүгү оҥорор, мин санаабар, алҕас
буолуо этэ...
Янагида «Эволюция моего мировоззрения» диэн кинигэтин
хантан буллун? Киһи кэрэхсиэх туту суруйарый?..
Мантан антах хойуу соҕустук сурук кэлэр-барар буолуо диэн
саныы хаалабын Миитэрэй.
2.02.59 с.
Р.5. Колхоз холбоһуута хайдах ааста? Колхозтаахтар туох дии
саныыллар? Эн санааҕар хайдаҕый?

100