Page 98 - До5ордуулар суруйсуулара

буржуазнай луоһуҥҥа социалистическай ис хоһоону биэрэр иһин
капиталистыы дойдулар компартиялара охсуһуохтаахтар диэн.
Бакаа итинник охсуһуу Италияҕа в рамках конституции барар.
Ити саамай сөп дни саныыбын.
Кытай коммунистара сырдык суолунан баран иһэллэр,
марксизм буукубатынан буолбакка, дууһатынан бэйэлэрин
олохторугар салайтараллар! Кытайдар социализмы дьиҥнээхтик
туталлар. Биһиги уоппуппут суоҕа буоллар, кытайдар ити курдук
түргэнник сайдаллара саарбаҕаланар. Ол гынан баран кытайдар
ньымалара биһигиттэн ордук дии саныыбын. «Правдаҕа» (7/1Ү)
«Об историческом опыте диктатуры пролетариата» диэн
«Женьминь Жибло» ыстатыйатын эн аахтыҥ ини.
Хомойуох иһин, биһиги тас политикабыт барыны биир киһи
салайан олордоҕуна, сыысхаллары таһаарбыт буолуохтаах.
Холобур, баҕар, Германия да боппуруостарыгар буолуо. Илиҥҥи
Пруссияны ГДР-га хаалларыах баар этэ диэн теоретическай
конференцияҕа этэн саайбытым.
ЦК дакылаатын туһунан суруйууҥ саамай сөп. Ити үс
принципиальнай боппуруос туруоруллуута эйэ, демократия иһин
охсуһар күүстэргэ, бырааттыы компартияларга күүс, кыах биэрэр.
Урут биһиги эрэ бэппит, биһиги эрэ кырдьыксыппыт диэн этэр
эбит буоллахпытына, билигин олохтоох кыахтартан,
балаһыанньаттан тахсыҥ диибит. Кэнники сылларга тахсыбыт
улуу сабыытыйалартан иккини билинэбин — ХХ-с съезд уонна
Терентий Мальцев үөрэҕэ. Т.Мальцев - революционер в науке,
величайший ученый-самородок! Мин санаабар, национальнай
боппуруос принципиальнайдык быһаарылларыгар ХХ-с съезд
акылааты уурда (соц. патриотизм уонна интернационализм
туһунан быһаарыыларыгар).
Сталин туһунан, мин санаабар, Кытай коммунистара сөпкө
быһаардылар. Кытайдар биһиги политикабыт сыыһатыттан 30-с
сс. улахан хоромньуга киирэ сылдьыбыттар. Мао Цзе-дун 1У-с
томун аахпыт буоллаххына өйдүөҥ.

96