Page 96 - До5ордуулар суруйсуулара

- 7-
Коля, привет!... «Проегы» мин көрөн ааспыттаахпын. Билиҥҥи
грамматикаҕа холоотоххо проект ордук диэххэ сөп. Эн саха тыла
сайдыытын туһунан этэргэр сүүс бырыһыан холбоһобун. Биһиги
тылбыт, олохпут сайдыытын курдук, түргэнник сайдар. Мин
санаабар, саҥа киирбит тыллары хайдах суруйар туһунан
ылыныахха (быраабыла таһаарыахха) эрэ наада. Итиннэ
нууччалыы этиллэринэн дуу эбэтэр сахалыы этиллэринэн дуу
суруйар технической боппуруос дии саныыбын. Холобура,
«государство» да «судаарыстыба» да диэтэххинэ тыл өйдөбүлэ
уларыйбат. Биһиги тылбыт сайда турарын быһыытынан,
араастаан этиллэр тыллар олус элбэхтэр. Мин эн норуот үксэ
саҥарарыгар тирэҕириэххэ дииргэр сөбүлэһэбин.
Суруккун күүтэ хааллым Миитэрэй. 22.02.54 с.

- 8-
Коля, привет!
Бу дойду дьоно-сэргэтэ син биһиги дойдубут курдук. Мин
куоракка олорор буоламмын, тыатын үчүгэйдик билбэппин.
Колхозтаахтар сорох сирдэргэ биһигиннээҕэр культурнайдык
олороллор (ыраастык туттан). Куоракка үгүс ыаллар ыраастык
олороллор. Ким хайдах кыахтааҕынан. Уопсайынан, манна
культурнай таһымнара биһигиннээҕэр намыһаҕа суох быһыылаах.
Ол гынан баран бары техника сайдыытынан улахан хаалыы баар,
трактордар, автомашиналар суохтар диэххэ сөп. Суол-иис суох.
Бурдук ыһыллыбат. Сүөһүнү, табаны иитэллэр, бултууллар.
Мин эйиэхэ Мао Цзе-дун IV томун ааҕаргар сүбэлиибин. Аах
«предисловиетын», «послесловиетын», «Учеба», «Шаблон»
тустарынан уонна «Литература» туһунан этиилэрин. Мин санаабар,
ити суруйуулартан (үөрэх, литература туһунан) политкружоктарга
да үөрэттэххэ ночоото суох буолуо этэ.
Литература туһунан. Л.Толстой дэриэбинэҕэ олорон
дэриэбинэни билэр этэ. Ол иһин дэриэбинэ олоҕун үчүгэйдик
биэртэ. Шолохов дэриэбинэ олоҕун үчүгэйдик көрдөрөр, ОТТОН

94