Page 163 - Дойдум Уус-алдан Хорото

мутугар «Золототранс» диэн тэрилтэ тэриллибитэ. Ол тэрилтэ салайааччытынан Сунтаартан
төрүттээх нуучча киһитэ Рыбкин Петр Елиферьевич анаммыта. Рыбкин бастаан кэлээт Томтор
бөһүөлэгэр олорбута, онтон 1940 сылтан Хоро нэһилиэгин «Кыһыл маяк» колхоз киин бөһүөлэгэр
Воробьевкаҕа (билигин Бороҕон бөһүөлэгин илин өттө) олохсуйбута. Кини кэргэнэ Мария
Ильинична Охлопкова диэн Уус-Алдантан төрүттээх куорат аттынааҕы Хатыҥ Үрэххэ олоро сыл-
дьыбыт саха дьахтара этэ. Бу ыал Александр диэн уол, Ия диэн кыыс оҕолоохторо. Оҕолор иккиэн
Мүрү орто оскуолатын ситиһиилээхтик үөрэнэн бүтэрэн Дьокуускайдааҕы пединститукка
үөрэммиттэрэ. Кэлин Александр Дүпсүнҥэ, онтон Дьокуускай куоракка оскуола директорынан,
Г орОНО сэбиэдиссэйинэн уһун сылларга үлэлээн, «Бочуот знага» орден кавалера буолбута. Онтон
Ия Петровна Мүрү оскуолатыгар хас да көлүөнэ дьону 45 сыл устата үөрэтэн-иитэн «Үлэ Кыһыл
Знамята» орденынан наҕараадаламмыта.
Петр Елиферьевич уу сахалыы саҥарар, дьонно-сэргэҕэ наһаа үчүгэй сыһыаннаах, ыалдьы-
тымсах, дьонно көмөлөһө сатыыр үгэстээх, олус үлэһит киһи этэ. Кини биһиги колхозпут сала-
йааччыларын кытта сүрдээхтабаарыстыы сыһыаннааҕа. Ол да иһин буоллаҕа буолуо, Аҕа дойдуну
көмүскүүр Улуу сэрии сылларыгар Ааллаах-Үүҥҥэ уонна Моой үрэххэ барыахтаах сүөһүлэри,
нэһилиэктэртэн киллэрэн биһиги «Кыһыл маякпытыгар» өлөртөрөрө, астатара. Инньэ гынан быы-
каайык нуорма аска сылдьан дьон сүөһү хара иһин, хаанын эбиискэ ас оҥостон абыраналлара
кэмэ суох этэ. Маны таһынан олох быстыбыт дьоҥҥо эбиэс сиэмэтитгэн эмиэ бэрсэн көмөлөһөрө.
Ол иһин биһиги колхозпут дьоно кинини танара кэриэтэ саныыллара.
П.Е.Рыбкин учуокка Хоро нэһилиэгэр турара. Кини 1892 сыллаах төрүөх этэ. Уус-Алдан оро-
йуонугар барыта 36 сыл олорбута. Онтон 11 (уон биир) сылын «Золототранс» тэрилтэтигэр үлэлээн,
оройуон колхозтарын кытта таһаҕас таһыытыгар дуогабардаһан айанньытгары тэрийэн, таһаҕас
биэрэн атаарыыга үлэлээбитэ. Петр Елиферьевич пенсияҕа тахсан баран райпотребсоюзка осто-
лобуой уонна хаһаайыстыбаннай чаас сэбиэдиссэйдэринэн үлэлээбитэ. Кини хайа да үлэтигэр
үтүө суобастаахтык сыһыаннаһара. Ол да иһин «1941-1945 сс. Аҕа дойду Улуу сэриитигэр килбиэн-
нээх үлэтин иһин» мэтээлинэн наҕараадаламмыта. Петр Елиферьевич Рыбкин 1966 сыллаахха 74
сааһыгар Бороҕоҥно олорон ыалдьан өлбүтэ.

«Кыһыл маяк» колхозтан

1. Орлов Афанасий Тарасович - 1938-1950 сылларга Моой Үрэххэ уонна Ааллаах-Үүн бириис-
кэлэригэр 12төгүл.
2. Бурцев Петр Иванович-Өрөөлүк - 1938 сыллаахха Моой Үрэххэ сылдьыбыт.
3. Бурцев Иван Романович-Быыппах - 1941-1950 сылларга Моой Үрэххэ, Ааллаах-Үүҥҥэ 9
төгүл сылдьыбыт.
4. Макеев Еремей Еремеевич - 1943-1950 сылларга Моой Үрэххэ, Ааллаах-Үүҥнэ 7 төгүл
тахса сылдьыбыт.
5. Бурцев Афанасий Митрофанович - 1945-1950 сылларга Моой Үрэххэ, Ааллаах-Үүнҥэ 5 төгүл
сылдьыбыт.
6. Бурцев Петр Кирикович Моой Үрэххэ 3 төгүл.
7. Еремеев Гаврил Константинович Ааллаах-Үүннэ 3 төгүл.
8. Бурцев Иван Федотович Моой Үрэххэ 4 төгүл.
9. Бурцев Егор Васильевич I - Бөскө Моой Үрэххэ 2-тэ.
10. Ноговицын Николай Алексеевич Ааллаах-Үүннэ 2 төгүл.
11. Бурцев Николай Алексеевич - Дэгэм Моой Үрэххэ, Ааллаах-Үүнҥэ 2 төгүл тахса сылдьыбыт
айанньыт.
12. Бурцев Иван Иванович I - Моой Үрэххэ биир төгүл.
13. Копырин Дмитрий Никандрович - Моой Үрэххэ.
14. Копырин Егор Никандрович - Моой Үрэххэ.
15. Атласов Гаврил Николаевич - Моой Үрэххэ.
16. Макеев Семен Николаевич - Моой Үрэххэ бу дьон төрдүөн биирдиитэ тахса сылдьыбыттар.