Page 220 - Дойдум Уус-алдан Хорото

Львов Михаил Михайлович
1967 сыллаахха армияҕа барбыт. Наум Ермолаевтыын уонна Николай Турантаевтыын армияҕа
барбыттар. Связь полкаҕа тустубуттар. Наум Ярмолаев бастаабыт, Львов Михаил бэйэтин ыйаа-
һыныгар - II м. 1969 сыллаахха дойдутугар кэлбит.
1970 с. Тумулга «Лена» совхозка көнүл тустууга 68 кг. - III м.
1973 с. Нуораҕанаҕа Чекист Бөтүрүөп бирииһигэр 74 кг. - III м.
1980 с. Бороҕоҥно көҥүл тустууга «Урожай» сборнай хамаандатыгар 90 кг. - III м.
1975 с. Бэйдиҥэҕэ хапсаҕайга 74 кг. - III м.
1981 с. Уус-Алданҥа РС ДСО «Урожай», «Сардана» хамаандаҕа 82 кг. - III м.
1983 с. Уус-Күөлгэ район первенствотыгар II м. ахсынньы 17-18 күннэрэ.
1984 с. Бороҕонҥо хапсаҕайга ветераннар кэккэлэригэр 70 кг. ыйааһыҥҥа - III м.
1984 с. «Урожай» райспорткомитетыгар «Сардана» совхозка көҥүл тустууга 90 кг. - III м.
1985 с. Бороҕоҥҥо ахсынньы 28-29 күнүгэр аһаҕас турнирга хапсаҕай 90 кг. - II м.
1986 с. Бороҕоҥно сайыҥҥы спартакиадаҕа хапсаҕайга ветераннарга - III м.
1988 с. Чараҥ көҥүл тустуутугар 90 кг. - II м.

Владимиров Константин Васильевич биографията
Константин Васильевич 1936 сыллаахха олунньу 17 күнүгэр Хоро нэһилиэгэр Чыраанай үрэҕэр
Макеевтарга төрөөбүтэ. Бииргэ төрөөбүттэр төрдүөлэр. Икки убайдаах: Афанасий Степанович
- милиция майора, Намҥа Мирнэйгэ милиция начальнигынан үлэлээбитэ, Илья - Хороҕо сааһын
тухары олорбута, сүрдээхуус этэ. Эдьиийэ Елена Степановна Дүпсүн орто оскуолатыгар начальнай
кылаас учууталынан, интернат сэбиэдиссэйинэн үлэлээбитэ. Костя ыал кыра оҕото. Кыра сааһыгар
ийэлээх аҕалара утуу-субуу өлүтэлээбиттэрэ, инньэ гынан кыраларын Костяны Матта детдомугар
ыыппыттара. Бу детдомҥа икки сыл олорбутун кэннэ Мэҥэ-Хаҥалас Төхтүрүгэр олохтоох Вла-
димиров Василий диэн киһи сэриигэ барбытын кэннэ ийэтэ иитэ ылбыта. Маачаха ийэтэ Баһылайтан
оҕото суоҕа. Үксүн эбэтигэр иитиллибитэ. Маачаха ийэтэ аҕыйах сыл буолан баран атын киһиэхэ
кэргэн барбыта.
Кыра кылаастарга Томтор уонна Төхтүр оскуолаларыгар үөрэммитэ. Кэлин үрдүкү кылаастарга
Майаҕа киирбитэ. 1957 сыллаахха Майа орто оскуолатын бүтэрэн баран Якутскайга культпро-
светка үөрэххэ киирбитэ. Бу үөрэҕин бүтэрэн баран, салгыы педучилище физкультурнай отде-
лениетыгар үөрэнэ киирбитэ. Оскуолаҕа үөрэнэр сылларыгар бокса маҥнай үөдүйүүтүгэр бокса-
нан дьарыктаммыта да, ыйааһына кырата бэрт буолан, улахан күрэхтэһиилэргэ кытыннарбат
этилэр. Педучилищеҕа үөрэнэр сылларыгар Арсен Петровка дьарыктаммыта. Бу үөрэҕин бүтэрэн
баран, Арсен Петров туруорсан Москваҕа үөрэттэрэ ыыта сатаабыта да, көмөлөһөр дьоно суох
буолан барбатаҕа. Бүлүү педучилищетыгар бокса тренеринэн анаабыттара да, эмиэ барбатаҕа.
Дойдутугар Төхтүргэ тахсан физкультура учууталынан үлэлээбитэ. Кэлин Мүрү, Курбуһах
оскуолаларыгар эмиэ тренердээбитэ. 1984 сыллаахха тохсунньу 25 күнүгэр Найахыга тымыр быс-
тан өлбүтэ.
Биографияны суруйда кэргэнэ Мария Дмитриевна ВЛАДИМИРОВА.
Кулун тутар 22 күнэ, 1998 сыл. Балыктаах бөһүөлэгэ.

Дьоһун киһи - эколог Иван Семенович
Ханнык баҕарар кэрдиис кэм уопсай маассаттан чорбойон көстөр атыттартан тугунан эмэ
уратылаах бэлиэ дьонноох буолар. Биир оннук киһинэн биһиги бэйэбит өр сылларга бэркэ билэр
киһибитин И.С.Бурцевы ааттыыбыт. Иван Семенович Саха сиригэр тулалыыр эйгэни харыстаа-
һыҥҥа уонна общественнай экологическай хамсааһыҥҥа инники күөҥнэ иһээччилэртэн биир-
дэстэрэ. Кини өссө уон түөрт (1986 с.) сыллааҕыта республика бэчээтигэр Бүлүү өрүс иэдээнин
туһунан боппуруоһу кырдьыктаах чахчыларга олоҕуран аан бастаан көтөхпүтэ. Ол обществен-
ность хараҕын аспыта, правительство бу проблемаҕа сыһыанын уларытара ситиһиллибитэ. Онтон
ыла Бүлүү сүнньүгэр эрэ буолбакка, республика бүттүүнүн үрдүнэн общественнай экологическай
хамсааһын киэҥник тэнийэн барбыта. 1989 сыл сайыныгар республика историятыгар аан бастаан
тэриллибит Саха сирин уонна Сибиир учуонайдара састааптаах экологическай экспедицияны ки-
ниэхэ итэҕэйэн салайтарбыттара. Бүлүү өрүс киртийиитин туһунан аан бастаан наукаҕа олоҕурбут,
хайдах да мэлдьэһиллибэт түмүктэр баар буолбуттара. Итилэр барыларын түмүктэригэр прави-