Page 222 - Дойдум Уус-алдан Хорото

аар-саарга аатырбыт, хаһан эрэ Л.П.Берия олохтообут, үрдүнэн үрүн чыычааҕы көтүппэтэх,
киирдэххинэ иэниҥ кэдэҥниир ведомствоҕа соҕотоҕун тиийэн уустук боппуруостары быһаарсар,
уопсай тылы булар. Маны биһиги эмиэ чорботон бэлиэтиэхпитин баҕарабыт уонна кини үлэтэ
толору сыаналана, сырдатылла илигин бэлиэтиибит. Иван Бурцев курдук дэгиттэр киэҥ билиилээх,
дьон-сэргэ интэриэһин урут даҕаны, билигин даҕаны бэйэтин киэниттэн мэлдьи үрдүктүк тутар
ахсаабат, элэйбэт-сылайбат үлэһит дьон аҕыйаҕа буолуо. Кини бу күннэргэ 60 сааһын туолла.
Биһиги кинини кэрэ-бэлиэ юбилейынан истиҥник эҕэрдэлиибитуонна чэгиэн-чэбдик доруобуйаны,
уһун, дьоллоох олоҕу уонна үлэтигэр өссө да улахан ситиһиилэри баҕарабыт.
Ким КОЛОДЕЗНИКОВ,
геолого-минералогическай наука доктора,
ССРС Министрдэрин Советын бириэмийэтин лауреата,
Саха Республикатын утуөлээх геолога.
Константин МИКУЛЕНКО,
геолого-минералогическай наука доктора.
07.03.2000 с.

Доруобуйа харыстабыла

Медицина үлэһиттэрэ
1. Андросов Егор Николаевич 1921 с. Хоро нэһилиэгэр Илин үрэххэ быстар дьадаҥы кэргэҥҥэ
төрөөбүтэ. 1937-1940 сс. Якутскайдааҕы фельдшерскэй акушерскай оскуоланы бүтэрэн баран,
1940-1947 сс. Анаабыр оройуонугар райздрав заведующайынан, 1947-1949 сс. Чурапчы оройуонун
райздрабынан, онтон кэлин араас оройуоннарга уонна Дьокуускай куоракка фельдшеринэн, тиис
бырааһынан, барыта 47 сыл устата дьон доруобуйатын харыстааһыҥҥа үтүө суобастаахтык
үлэлээн кэллэ.
2. Тролукова Елена Николаевна Хоро нэһилиэгэр Нэлимҥэ бааһынай кэргэҥҥэ төрөөбүтэ. 1965
с. врач, 1977 с. медицинскэй наука кандидата, ХИФУ кафедратын сэбиэдиссэйэ.
3. Бурцева Мария Степановна Хоро нэһилиэгэр Чараҥна төрөөбүтэ, үрдүк үөрэхтээх быраас,
Танда участковай балыыһатын бырааһа.
4. Бурцева Акулина Афанасьевна Хоро нэһилиэгэр Илин үрэххэ төрөөбүтэ. Дьокуускайга, Абыйга
фельдшеринэн өр сыл үлэлээбитэ.
5. Томская Анна Афанасьевна - фельдшер.
6. Гуляева Варвара Васильевна - фельдшер.
7. Готовцева Мария Егоровна - фельдшер.
8. Конникова Анна Захаровна - акушерка.
9. Бурцева Евдокия Степановна - медсестра.
10. Бурцева Екатерина Семеновна - медсестра.
11. Аргунова Мария Гаврильевна - медсестра.
12. Бурцев Афанасий - Дүпсүн оройуонун фельдшера.
13. Колодезникова Людмила Егоровна СГУ-ну бүтэрбитэ. Дьокуускай куоракка республиканскай
балыыһа бырааһа.

Андросов Егор Николаевич
Егор Николаевич Андросов 1921 с. Бороҕон улууһугар Хоро нэһилиэгэр Илин үрэххэ Унньулуйа
арҕаа бас халдьаайыга быстар дьадаҥы кэргэҥҥэ төрөөбүтэ. Ийэтэ Орлова-Андросова Ирина
Николаевна, аҕата Андросов Николай Федорович диэн сүөһү иитиитинэн, бурдук ыһыытынан
дьарыктаммытдьоннор. Егор 1931 с. Чаран начальнай оскуолатыгар, урут ликбезкэ үөрэммитинэн
иккис кылааска быһа ылыллыбыта. Кини өссө 1930 с. үөрэниэхтээҕин, Чаранна интернат суоҕунан
кыайан үөрэммэтэх. 1933-1934 сс. үөрэх сылыгар 4-с кылааһы үөрэнэн бүтэрбитэ. Онтон салгыы
үөрэнэн То.мтор 7 кылаастаах оскуолатын /ШКМ/ 1936-37 сс. сэттис кылааһы бүтэрэр. 1937 с.
Якутскайдааҕы фельдшерскэй-акушерскай оскуолаҕа үөрэнэ киирэр уонна ити оскуолатын 1940
с. ситиһиилээхтик үөрэнэн бүтэрэр.
1940-1947 сс. хоту Анаабыр оройуонун киинигэр Сааскылаахха райздрав заведующайынан, 1947-
1949 сс.Чурапчы оройуонун райздравын заведующайынан, 1949-1963 сс. Уус-Алдан оройуонугар
Суоттуга, Найахыга, Бороҕоҥно фельдшеринэн үлэлээбитэ. Үчүгэй билиилээх, инициативалаах,
дьонҥо-сэргэҕэ эйэҕэс уонна үлэтигэр нэһилиэнньэттэн улахан авторитеты ылбыт дьоҕурдаах