Page 117 - Аржаков Степан Степан

саҕаланан кыайан олоххо киирбэтэҕэ. Степан 13 саас-
тааҕар колхоз ферматыгар үүт учуотчуга буолбута. Сэттис
кылааһы Кыайыы буолбут сааһыгар Тандаҕа бүтэрбитэ.
Биир бастыҥ үөрэнээччи буолан Бороҕоҥҥо, Кыайыы бы-
рааһынньыгар анаммыт ыһыах иккис күнүгэр, оскуоланы
бүтэрээччилэр слеттарыгар тыл эппитэ. Уҥуоҕунан бэрт
кыра киһи трибунаҕа тахсан тыл этэригэр төбөтө нэһиилэ
көстөрө үһү. Онно эппит: "Сэрии бүттэ. Кыайыы күнэ үүннэ,
онон биһиги ыччаттар салгыы үөрэниэҕиҥ. Оннооҕор сэрии
бара турдаҕына үөрэммиппит. Билигин норуот хаһаайысты-
батыгар үөрэхтээх, араас специалистар наада буолуохта-
ра". Ити туһунан билигин Степан Степанович маннык
быһаарар: "Бастаан куоракка киирэн үөрэнэрбэр Тандаттан
төрүттээх Мааса диэн эмээхсин хоннорбута, аһаппыта,
көмөлөспүтэ, сүбэлээбитэ. Педрабфакка үөрэнэ сырыттах-
пына директорым Федор Николаевич Шарин көмөлөспүтэ,
бэл, дьиэтигэр илдьэн чэйдэтэрэ. Итинник үтүө дьон
көмөтүнэн, үтүө сыһыаннарынан үлэһит буолтум".
1952 сыл Мэҥэ Хаҥалас оройуонугар Дьабыылга оскуо-
ла директорынан анаммыта, ол эрэн сотору Районо инспек-
торынан, үөрэх салаатын сэбиэдиссэйинэн анаабыттара.
Оччолорго кадрдарга улахан болҕомто ууруллара. Хас
биирдии специалист партийнай органнарынан обществен-
най олоххо сыһыана, тустаах эбээһинэстэрин толоруута кы-
раҕытык кэтээн көрүллэрэ. Тыыппалаах соҕус киһини
саҥаттан саҥа үлэҕэ үүннэрэн иһэллэрэ.
1961 сыл. Балаҕан ыйа. Мантан саҕаламмыта кини араас
эриирдээх-мускуурдаах олоҕо уонна үлэтэ. Эдэр комму-
ниһы Мэҥэ Хаҥалас коммунистара райком бастакы секре-
тарынан талаллар. Республика саамай улахан тыа хаһаайыс-
тыбатынан дьарыктанар оройуонугар быыбарданыыта
киниттэн элбэҕи эрэйэрэ, араастаан толкуйдуурга, хайа да
бэйэлээх боппуруостары быһаарарга уонна бэйэ эппиэти-
нэһигэр ылынарга үөрэммитэ. Бу иннинэ партия райкомун
салайбыт аарыма дьон Н.Н. Барашков уонна С.И. Сосин
кэннилэриттэн эдэр киһи санныгар бэрт ыарахан сүгэһэр
ууруллубута. Эдэр эрчимнээх киһи бэйэтин курдук олох ин-
ники күөнүгэр сылдьар дьону бэйэтин тула түмэ тардыбы-
та. Ол курдук райисполком председателэ Василий Констан-
тинович Степанов, иккис секретарынан Михаил Прокопье-