Page 118 - Аржаков Степан Степан

вич Габышев буолбуттара. Хаһаайыстыбалар салайааччы-
ларынан П.Н. Михайлов, А.К. Лыткин, Г.Д. Исаков, А.Н. Ани-
симов, ССРС Үрдүкү Сэбиэтин депутата М.Д. Петров кур-
дук тэрийэр, салайар талааннаах, билиилээх-көрүүлээх
дьон үлэлииллэрэ. Бары да дьоҥҥо-сэргэҕэ ытыктанар са-
лайааччылар этилэр.
Мэҥэ Хаҥалас оройуона республикаҕа оҕуруот аһын,
хортуоппуйу элбэҕи биэрэрэ, итини таһынан Төҥүлүгэ пле-
менной үлэнэн дьарыктанар станция ситиһиилээхтик үлэ-
лиирэ, ити барыта дьон үлэҕэ улахан дьоҕурдаахтарын,
саҥа ньыманы олоххо киллэриигэ кыһаналларын көрдөрөр.
Итини сэргэ мэҥэлэр биир бастакынан ынаҕы искусствен-
най буоһатыыга киирбиттэрэ. Сири оҥорууга саҥалыы
сыһыан, саҥалыы дьаһаныы наада этэ. Ити сыл сэтинньи-
тигэр Хабаровскайга Дальнай Восток уонна Илин Сибиир
үлэһиттэрин тыа хаһаайыстыбатын сайыннарыыга анаммыт
улахан мунньаҕа буолбута. Ол мунньаҕы ССКП КК Президи-
умун чилиэттэрэ Д.С. Полянскай, Г.И. Воронов салайбытта-
ра. Ити кэнниттэн оройуоннары холбоон производственнай
управление диэннэри тэрийтэлээбиттэрэ. Манна С.С. Ар-
жаков Среднеленскэй управление парткомун бастакы сек-
ретарынан талыллар. Бу иннинэ кинини Москваҕа ыҥыран
кэпсэтэ сылдьыбыттар. Онно кини: "Бу кыайан салаллыбат
управление буолуо", — диэбитин ылымматахтар. Ити Н.С.
Хрущев уочараттаах буккуурдара этэ. Сотору С.С. Аржаков
эппитин курдук бу управлениелар кыайан салаллыбат
структура буолан тохтотуллубуттара.
С.С. Аржаков 1965 сыллаахха Уус Алдан райкомун баста-
кы секретарынан быыбарданар. Уус Алданнар республи-
каҕа киэҥник биллэр маяк үлэһиттэринэн аатырбыттара.
Ордук хас биирдии ынахтан элбэх үүтү ыаһыҥҥа, ыччат
сүөһүнү төлөһүтүүгэ, сылгыттан элбэх төрүөҕү ылыыга баай
уопуту мунньуммуттара. Республикаҕа Анастасия Копырина
Социалистическай Үлэ Геройа, Михаил Готовцев, Николай
Бурнашев Үлэ Албан Аата орден толору кавалердара буол-
буттара. Итинтэн да атын, үлэттэн чиэстэммит, албан
аатырбыт дьонунан уус алданнар киэҥник биллибиттэрэ.
Манна Степан Степанович оройуон бары актыыбын түмэ
тардыбыта, айымньылаахтык үлэлииргэ көҕүлээбитэ
көстөр.