Page 19 - Аржаков Степан Степан

Васильев, тутуу инженерэ Иван Федотович Васильев,
үтүөлээх учуутал Федор Иванович Васильев, үтүөлээх
бэтиринээр быраас Дария Дмитрьевна Артамонова,
судьуйа Петр Николаевич Охлопков, медицинскэй наука до-
ктордара, академиктар Иван Яковлевич Егоров, Егор Пет-
рович Васильев, педагогическай наука доктора, Ил Түмэн
депутата Егор Петрович Жирков уо.д.а. ааттарын.
Степан Степанович, Эн эмиэ кинилэр бастакы кэккэлэ-
ригэр киирэргин астына бэлиэтиибит. Эн үгүс сүбэҥ,
ойөбүлүҥ, үтүөҥ-өҥөҥ үүнэр көлүөнэҕэ ахтылла туруоҕа.
Киһи олоҕун бэйэтэ сыралаһан оҥостор, үлэҕэ, үөрэххэ
дьулуурдаах, уйаҕас-сайаҕас майгылаах буолар үтүө холо-
бурун хас да көлүөнэ биир дойдулаахтаргар көрдөрдүҥ.
Степан Степанович, Эн туттарбыт оскуолаҥ Герой В.Д.
Лонгинов аатын сүгэр. Оскуоланы бүтэрээччилэргэ аныыр
стипендияҥ кэпсэлгэ сылдьар. Эн өйөбүлгүнэн Бээрийэбит
историята үйэтилиннэ, кинигэҕэ сурулунна.
) Эн үйэҥ үгүс уларыйыылаах-тэлэрийиилээх уустук
-кэмҥэ түбэстэ. Ол эрээри Эйигин халбаҥнаабат комму-
нист, бар дьонҥо үтүөнү эрэ баҕарар, ону туруулаһар
дьаһаллаах киһи, салайааччы быһыытынан үрдүктүк сыана-
лыыбыт. Улууспут дьонун-сэргэтин олоҕо-дьаһаҕа Эн олох-
хун, үлэҕин кытта ыкса ситимнээх. Салайааччы, баһылык
кимиттэн-тугуттан уонунан тыһыынча дьон дьылҕата тутул-
лар. Ону Эн, оҕо эрдэххиттэн кыһалҕа, үлэ, үөрэх тугун эк-
кинэн-хааҥҥынан билэн кэлбит киһи, куоһара өйдөөн
сүүһүнэн үлэ дьонун өйөөтүҥ, өрө таһаардыҥ, чиэскэ-бочуок-
ка тиксэрдиҥ, ыччат дьоҥҥо холобур оҥордуҥ!
Өрүү биһигиҥ ыйаммыт Улахан Сыһыыгын, төрөөбүт
Аларгын хаһан да быһа ааспатыҥ угүстэргэ үтүө холобур
буолар.
Ахтар-саныыр, махтанар киһибит Степан Степанович,
дьаҥ-дьаһах дьалты буолуохтун, этэнҥэ буол, барыбыт
туһугар. Сириҥ-дойдуҥ, дьонуҥ-сэргэҥ махтала алгыс, ар-
чы буолан эргиллиэхтин!
Бээрийэ нэһилиэгин дьаһалтатын
баһылыга И. ВАСИЛЬЕВ.
Атырдьах ыйын 15 күнэ. 1999 сыл