Page 20 - Аржаков Степан Степан

Москваҕа Үрдүкү партийнай оскуолаҕа бииргэ
үөрэммит табаарыстарын, доҕотторун суруктара
Күндү доҕорбут Степан Степанович!
Уол оҕо буолан орто дойду күөх отугар оройгунан
түспүтүҥ 70 сыла томточчу туолбутунан, эр киһи буолан си-
тэн-сирэлийэн, тупсан торолуйан үлэлээбитиҥ-хамсаабы-
тыҥ, сүүрбүтүҥ-көппүтүҥ үйэ аҥара буолбут үрдүк
үөрүүлээх үтүө күҥҥүнэн ис-сүрэхтэн тахсар иһирэх тылла-
рынан эҕэрдэ этэбит.
50 сыл устата олох киэҥ аартыгын тобуккунан тобулан,
тоҕойдорун тулуурдаахтык туораталаан, өксүөннэрин дьа-
ныардаахтык өксөйтөлөөн, баай ис хоһоонноох олоҕу оло-
рон кэллиҥ, номоххо этиллибитин, кэпсээҥҥэ киирбитин
курдук 70 сааскын сиэлэ сылдьан көрүстүҥ. Маныаха өссө
биири эбэн этиэхпитин баҕарабыт, бу сыллар усталарыгар
туох-баар билиигин-көрүүгүн, күүскүн-күдэххин бүүс-
бүтүннүү төрөөбүт норуотуҥ, бар дьонуҥ дьолун-соргутун
туһугар анаатыҥ, кыһалҕатын кыһалҕа оҥостон, сиппэтэҕин
ситэрэн, оҥорботоҕун оҥоро сатаан элбэх түбүктээх күннэ-
ри-түүннэри аастыҥ, олоҕуҥ сүрүн сыала, эркээйитэ
оҥоһуннуҥ. Онтон биһиги, Эн доҕотторуҥ, олус үөрэбит,
астынабыт.
Кэлэр да өттүгэр сылайары-сындалыйары билиммэккэ,
кэскиллээҕи кэрэһэлии, үтүөнү үксэтэ, туһалааҕы толкуйдуу
сырыт. Олоҕуҥ аргыһа Раиса Максимовналыын ыччаттар-
гытыгар, чугас дьоҥҥутугар дурда-хахха, күүс-көмө, тул-
лаҥнаабат тутаах, халбаҥнаабат тирэх буолуҥ. Эһиги ыал
тиэргэнэ өрүү ыраас, сылаас, чаҕылхай күннээх буоллун.
Кырдьары кыттыһыннарбакка, ыалдьары ыксалыһыннар-
бакка, тумууну тумнан, дьаҥы дьалты хааман ньир бааччы,
дьоллоохтук, дьоһуннук олоруҥ!
Эҕэрдэни кытта Г.И., И.А. ДМИТРИЕВТЭР,
Е.М., И.П. ЗАМОРЩИКОВТАР,
В.С. ЛУКОВЦЕВ, С.Е. СОФРОНОВ.
Дьокуускай куорат. Атырдьах ыйа. 1999 сыл