Page 56 - Аржаков Степан Степан

тон, производствоттан тэйиппитэ чахчы. Оттон 1965 сылтан
оройуон арахсар сүпсүргэнин тэҥҥэ бөдөҥ колхозтар арах-
са сатыыр айдааннара турбута. Онно эбиитин 1963-64 сс.
улахан кураан, алаас сирдээх Уус Алдан оройуонун хаһаай-
ыстыбаларын алдьархайдык айгыраппыта.
1965 сыл тохсунньу 1 күнүнээҕи туругунан, сүнньүнэн
сүөһү иитиитинэн дьарыктанар оройуон баара-суоҕа 18019
ынах сүөһүлээҕэ, 7589 ыанар ынахтаах, 7515 сылгылаах
этэ. Ыһар бурдуга, олордор хортуоппуйа суоҕа.
Онон сүөһү иитиититтэн бородууксуйаны ылыыны эмис-
кэ үрдэтэр кыах суоҕа. Сиртэн туруктаах үүнүүнү да ылар
эмиэ уустук буолбута. Ол курдук 1965 сыл сайына кураан-
наабыта. Ол эрээри Уус Алдан үлэһит дьоно оройуоннарын
хаттаан тилиннэрбит үөрүүлэригэр сүрдээҕин өрө
көтөҕүллэн үлэлээбиттэрэ-хамсаабыттара. Өлгөм үүт иһин
үлэ-хамнас күүскэ тэриллэн, кыһыннары-сайыннары эбии
аһылыгы элбэхтик оҥорон, 1965 сыл түмүгүнэн 1 ынахтан
үүтү ыаһын 146 л үрдэтиллибитэ. Оттон 1,5 тыһыынчалаах-
тар 113 киһиэхэ тиийбитэ. Үүт иһин охсуһуу инициаторда-
рынан Сыырдаахтан Бурцевтар, Лөҕөйтөн Троева, Копыри-
на буолбуттара.
Эти оҥорууга эмиэ куһаҕана суох көрдөрүү ситиһилли-
битэ. 1965 сыл сайын устата партизан Заболоцкай аатынан
колхоз бостууга И.Н. Карамзин 130 сүөһү хас биирдиилэрэ
118 л эбиллэрин ситиспитэ, 90 бырыһыан үрдүк уойуу-
лааҕынан государствоҕа туттарбыта. Оттон оройуон үрдү-
нэн үрдүк уойуулаах сүөһү 78 бырыһыаҥҥа тэҥнэспитэ.
Онон эт оҥоһуутун былаана 113 бырыһыан толоруллубута.
Бурдук үүннэрээччилэр Бэйдиҥэҕэ Н.Н. Сивцев, Сыыр-
даахха Ф.Ф. Ефимов туораахтаах культура туруктаах
үүнүүтүн хомуйбуттара. Бу барыта, биллэн турар, бастакы
хардыылар этилэр.
Ити курдук ССКП райкомун секретарынан 1,5 сыл үлэ-
лиирбин кытта Москваҕа икки сыллаах партийнай үөрэххэ
ыытан кэбиспиттэрэ. Икки сыллаах үөрэх эдэр соҕус
дьоҥҥо түргэн соҕустук түмүктэнэн, дойдубар эргийэн кэл-
битим.
1968 сыл атырдьах ыйыгар ССКП Уус Алданнааҕы райко-
мун бастакы секретарынан, Среднеленскэй парткомугар