Page 52 - Аржаков Степан Степан

1962 сыллаахха общественнай сүөһүгэ 46551 тонна от
оттонон 1962-1963 сс. кыстыкка общественнай сүөһү сөп
буолар аһылыгынан хааччыллыбыта.
Оройуонҥа капитальнай тутуу, эт-үүт уонна олохтоох
промышленность тэрилтэлэрэ бэйэлэрин государственнай
былааннарын, эбэһээтэлистибэлэрин чиэстээхтик толор-
буттара.
Тыа сиригэр оскуолалары, культура, эмп тэрилтэлэрин
общественность күүһүнэн тутуу практиката саҕаламмыта.
Ол да иһин үөрэх, культура, доруобуйа харыстабылын салаа-
лара республикаҕа үчүгэй үлэлэринэн биллэллэрэ. РСФСР
үтүөлээх учуутала М.П. Дьяконова РСФСР учууталларын
съеһин делегатынан талыллыбыта, Үлэ Кыһыл Знамята ор-
денынан наҕараадаламмыта. Ф.П. Пивоварова, И.М. Мали-
новская Саха АССР үтүөлээх быраастарынан буолбуттара.
Оройуоннааҕы библиотека сэбиэдиссэйэ В.И. Борисова
культура үтүөлээх үлэһитин бочуоттаах аатын ылбыта.
Мэҥэ үлэһит дьоно үлэттэн илиилэрин, өйдөрүн-санаа-
ларын араарбатахтара. Төһө да Н.С. Хрущев уочараттаах
буккуурдара дьон өйүн-санаатын бутуйбуттарын, үлэни-
хамнаһы атахтаабыттарын иһин, ити сыллар күргүөмнээх
үлэ сыллара этилэр. Мэҥэ дьоно бэйэлэрин дьулуурдаах
үлэлэринэн "Мэҥэлэр хайа үрдүгэр" диэн Сергей Василь-
ев отутус сыллардаахха эппит кынаттаах сыанабылын ити
да сылларга сөпкө сүгэллэрэ".

"Саха сирэ" хаһыат. 12.10.96. ССКП Саха сиринээҕи об-
комун урукку секретара, Саха АССР норуотун хаһаайысты-
батын үтүөлээх үлэһитэ, РСФСР үтүөлээх экономиһа
В.Г. Павлов "Эдэр дьоҥҥо тирэҕирэн" ыстатыйатыгар:
"60-с сылларга үлэлээбит опыттаах салайааччылары
кытта эҥэрдэһэн кэскиллээх эдэр көлүөнэ салайааччылар
салайар үлэҕэ тахсыбыттара. Кинилэртэн ордух чаҕылхай-
дарынан бырааттыы Кычкиннар, Н.И. Шарин, С.С. Аржаков,
И.А. Матвеев уо.д.а. билигин республикаҕа убаастанар
дьонунан буолаллар...