Page 105 - Бэстэрикиэптэр. Олох салҕанар

Бэстэрикиэптэр. Олох салҕанар

дэн биэрэрэ. Киэҥ билиилээх-көрүүлээх, унуутал идэтин чахчы баһылаа-
быт, ураты дьоҕурдаах дьиҥнээх педагог, салайааччы этэ.
Петр Петрович киһи быһыытынан ыраас дууһалааҕа, киһиэхэ үтүөнү
эрэ баҕарар аламаҕай айылгылааҕа, ис киирбэх майгылааҕа, киһини
кытта мичээрдии-мичээрдии истиҥник кэпсэтэрэ. Улахан дьиэ кэргэн
баһылыгын быһыытынан элбэх оҕону иитиигэ, үөрэттэриигэ ураты кы-
һамньытын уурбут, сыратын биэрбит аҕа этэ.
Кини оскуола үлэтинэн эрэ муҥурдаммакка нэһилиэк общественнай
олоҕор активнайдык кыттара. Арыылаахтар кини көмөтүнэн араас ыара-
хан боппуруостарын быһааттарар күөн туттар тумус киһилэрэ этэ.
Бөһүөлэктэри бөдөҥсүтүү сыыһа политиката барар кэмигэр арыы-
лаахтары Бэйдиҥэҕэ көһөрүүнү утаран, олохтоохтор күүскэ туруорсуула-
рыгар баһылыыр-көһүлүүр оруолу ылан партия райкомугар сэмэлэмми-
тэ. Петр Петрович оччотооҕуга дьонун-сэргэтин инники кэскиллэрин ту-
һугар таба суолу тутуспут. Билигин арыылаахтар орто оскуолалаах, эл­
бэх бөдөҥ тутуулардаах улахан бөһүөлэк буолан, үчүгэй үлэлэринэн-
хамнастарынан улууска биллэллэр. Уруккутун курдук II Өлтөх нэһилиэгэ
да буолар балаһыанньалаахтар, туруорсуу эрэ наада.
Саха АССР үтүөлээх учуутала Петр Петрович үөрэппит, билиигэ-
көрүүгэ уһуйбут ыччаттара улуус, Республика норуотун хаһаайыстыба-
тын араас салааларыгар бэйэлэрин идэлэрин баһылаан таһаарылаах-
тык үлэлии сылдьаллар.
Арыылаах орто оскуолатыгар Саха АССР үтүөлээх учууталын Пест­
ряков Петр Петрович аатын иҥэрии - кини дьонун-сэргэтин туһугар үлэ-
лээбит үлэтин, тус олоҕун кэриэстээһин, үйэтитии уонна үйэлэргэ
өлбөөдүйбэт өйдөбүнньүк бэлиэтинэн буолар.

Ю .И . А Р Т А М О Н О В ,
п е д а г о г и ч е с к а я у о н н а парт ийнай ү л э вет ерана
2 0 0 2 сы л м у у с устар 9 к ү н э .
Д ь о к у у с к а й куорат .

101