Page 107 - Бэстэрикиэптэр. Олох салҕанар

Бэстэрикиэптэр. Олох салҕанар

улахаттарын үрдүк үөрэххэ үөрэттэрэн, сорохторун армия оскуолатын
ыыттаран барыбытын этэҥҥэ олох көнө суолугар үктэннэрбитэ. Аҕам,
пенсияҕа да тахсан баран, олох өлөр ыарыытыгар охтуор дылы бэйэтэ
тэрийсибит Орто-Эбэ көмөлтө оскуолатыгар үлэлээбитэ. Бу улахан ма-
териальнай көмө буолбутун билигин сыаналыыбын.
Аҕабыт биһигини иитэригэр үгүс элбэх ыарахаттары көрсүбүтүн, ийэ-
битин олус суохтуурун өйдүүбүн. Ийэбит өлбүтүн кэннэ аҕабыт соҕотох-
суйбута, онно эбии оҕолоро үксүлэрэ онно-манна тарҕанан сылдьар кэм-
мит этэ. Үксүгэр биир эмит оҕотун кытары дьиэтигэр бэйэтэ олорор этэ.
Аҕабыт ийэбитин оччотооҕу санаабытыгар олус суохтаппат этэ, кини
дьиэҕэ-уокка олус бүгүрү, дьиэ хайа да үлэтин, ас астааһынын олус
сатыыра. Аҕам сарсыарда аайы оҥорор күөрчэҕин, сайын илимнээн сиэ-
тэр минньигэс балыгын билиҥҥэ дылы ахтабын. Кэлин соҕуруу үөрэнэ,
үлэлии сырыттахпына аҕам тоҥ күөрчэх, алаадьы, соркуой балык по-
сылканан ыытар буолара. Бэйэтэ да былыргы киһи быһыытынан үрүҥ
аһы олус сөбүлээн сиир этэ, ол курдук биһиэхэ оҕолоругар үрүҥ ас
арааһын быспакка сиэтэр этэ. Аҕабын кытары оскуоланы бүтэрэн баран
икки сыл совхозка үлэлиир кэммэр Орто-Эбэҕэ дьиэбитигэр үгүстүк ик-
киэйэҕин олорбуппут. Дьиэ ис-тас үлэтигэр, сүөһүбүтүн көрүүгэ хардары-
таары сылдьарбыт, аҕам үгүстүк сүбэлиирин өйдүүбүн. Олус да үчүгэй-
дик үлэлээн-хамнаан, оонньоон, көрүлээн сылдьыбыт эбиппин, төһө да
үлэ (совхоз, дьиэ үлэтэ) элбэҕин иһин иллэҥ бириэмэ куруук баар буо­
лара, ол бука аҕам көмөтүнэн буоллаҕа буолуо. Производство кэнниттэн
хайаан да үөрэххэ киириэхтээҕим туһунан этэрэ. Аҕам кэриэһин толорон
хойутаан да буоллар үрдүк үөрэҕи бүтэрбиппинэн киэн туттабын. Уоп-
сайынан, биһиги аҕабыт дьон үөрэхтээх буолуон олус баҕарара. Аҕабыт
сыһыана оҕолоругар барыбытыгар тэҥ этэ, ол курдук чуолаан кими да
өрө туппата. Ол кини бэйэтэ педагог киһи элбэх оҕону иитэригэр сүрүн
төһүү күүс буолбут буолуохтаах.
Аҕабыт ийэбитин суохтаппакка, биһиги олох бастакы ыарахаттарын
этэҥҥэ туоруурбутугар оруола, көмөтө олус улаханын иһин муҥура суох
махтанабыт.
Ол туоһутунан кини оҕолоро бары үлэһит буолан, үксүбүт үрдүк үөрэх-
тэнэн, элбэх оҕолонон, сиэннэнэн, аҕабыт-ийэбит сырдык ыраларын
103