Page 147 - Бэстэрикиэптэр. Олох салҕанар

Бэстэрикиэптэр. Олох салҕанар
Сири сибэкки эрэ симээбэт

Сыл түөрт кэмиттэн саамай кэрэлэрэ сайын. Кини кылгас да буол-
лар киһиэхэ олус күндү. Былыр былыргыттан саха киһитэ самаан сайын
саҕаланнар эрэ сайылыкка көһөр угэстээх. Алтай отунан арылыйбыт,
таҥара кийиитинэн дьарҕааламмыт, унаар туптэлээх, уостубат уйгу
быйаҥнаах сайылыкка тахсыы - сүөһү үлэһиттэригэр сүҥкэннээхэй бы-
рааһынньык, үрдүк үөрүү.
Кэҕэ этэрэ, күөрэгэй ыллыыра, сир-дойду тупсубута, от-мас силиги-
лии сиппитэ эчи үчүгэйин. Сайыҥҥы күн чаҕыла хас лабаа, сэбирдэх
ахсын үрүҥ көмүс утахтаах, кыһыл көмүс кыырпахтаах үлүскэннээх ар-
дах буолан кутулла-суккулла турар. Кун манна, бу айгыр-силик сайы­
лыкка эрэ сыдьаайар курдук. Сайылык халдьаайы саҕатынан былыргы
быһый дьон кылыйсан кыыралдьытан, биэтэктэрин ортолоон сыгынньах
сотолоро кылбаҥнаһан эрэллэринии, телефон остуолбалара кырылаһан
тураллара улам намтаан илин саҕахха тиийэн харахтан сүтэн хаалаллар
Сайылыкка саһарҕа курдук сырдык тэтэркэй имнээх эдэркээн кыыс
баар. Кини - комсомолка Маша Пестрякова. Кыыс маннык кэрэ сайыны
маҥнай көрсөр курдук. Урут оҕо сырыттаҕына, кэлэн ааһар сайыннар
улахан өйдөбүлү хаалларбакка ааһаллара. Оттон быйылгы тохсус пяти­
летка бастакы сайына туох эрэ уратылаахха, ордук чаҕылхайга дылы.
Кыыс үрүҥ сибэккини оргууй аҕай үргээн ууруур уонна күн аннынан көтө
сылдьар бэйэтин үөлээннээҕин - күөрэгэйи көрөр. Кырдьаҕастар этэл-
лэринэн кини уһуннук дьырылатан ыллаатаҕына - өҥ, үчүгэй сайын, от-
тон салгыҥҥа өрө тырыбынаан тахсан иһэн, ситэ ыллаабакка сиргэ
түстэҕинэ - оччото суох сайын буолар үһү. Бу чэмэлкэй күннээх, чээл
күөхтээх, чэбдик салгыннаах сайын уонна үүнэр эдэр саас үкчү дьүөгэ-
лии курдуктар эбээт. Кинилэр иккиэн чаҕылхай күнү, хампа күөҕү, сайа-
ҕас салгыны таптыыллар. Кинилэр иккиэн сайдыы, барҕарыы саамай
кэрэ кэмнэрэ. Онон эдэри көрүстэхпинэ самаан сайыны өйдүү түһэбит,
оттон сайыммын эдэргэ дьүөрэлии көрөбүн.
Мария - “Лена” совхоз эдэр рабочайа буолан баран икки тыһыынча-
лаах кирбиини аһарбыт кыайыылаах үлэһит. Элбэх оҕолоох ыал улахан
кыыстара. Биэс уол кэнниттэн бастакынан төрөөбүт кыыс буолан, били
143