Page 148 - Бэстэрикиэптэр. Олох салҕанар

Бэстэрикиэптэр. Олох салҕанар

этэргэ дылы, Петр Петровичтаах көрөр харахтарын дьүккэтэ, тэбэр
сүрэхтэрин чопчута эта. Ол да буоллар, атаахтык иитиллибэтэҕэ. Кыра
эрдэҕиттэн үлэни таптыырга үөрэммитэ. Онон амарах майгыннаах улаап-
пыта. Сыырдаах орто оскуолатын бутэрэн баран, комсомольскай путевка-
нан “Арыылаах” биригээдэтигэр үлэлии тахсыбыта. Аҕыйах үлэһиттээх
кыракый биригээдэ дьоно кинини үөрэ-көтө көрсүбүттэрэ. Олоххо баста-
кы хардыылааһын, үлэһит буолуу кими долгуппатаҕа баарай?! Эбэтэ
Апааппыйа: “Хор, бу оҕом улаатан, биэрмэҕэ ыанньыксыт буолла ээ”, -
диэн сиэнэ кыыһы таптаан эҥээрийбитэ. Оттон бииргэ үлэлиир, аҕа саас-
таах дьүөгэлэрэ: “Машабыт чиҥ-чаҥ тутуулаах, кыайыылаах, үчүгэй
сүөсүһүт буолсу”, - диэн төлкөлөөбүттэрэ. Маша бастаан утаа киһи эрэ
кэнниттэн бүтэрэ, ынаҕын ыырыгар икки илиитэ улук буолан ууллара.
Сорох ардыгар үлэтин ыарырҕатан уйадыйан ылара. Ол да буоллар эдэр
эрчиминэн кытаанахтары кыайбыта. Үлэ кыһатыгар иитиллэн, олох ум-
сулҕанын, сыанатын биллэ. Үгүс үүтү ыаһыҥҥа ынаҕы эбии аһатыы, дуо-
һута уулатыы, режими халбаҥнаабакка тутуһуу, ынах иэтиитин ситиһии-
быһаарыылаах усулуобуйа буоларын үчүгэйдик итэҕэйдэ.
Билигин уруккуттан сайылыыр сирдэригэр - Артамаан алааһыгар
тахсан олороллор. Сайын бүтэн эрэр. Ол эрээри от-мас өссө да күөх. От
үлэтин үгэнэ. Дьон бары сололоро суох. От хото оттонорун, онтон бурдук
быһылларын күүтэллэр. Атырдьах ыйа - эрэл, көһүтүү кэмэ. Мария били­
гин 15 ынахтаах. Онтон күҥҥэ 120-150 килограмм үүтү ыыр. Сыл аҥар-
дааҕы сорудаҕын аһары толорбута. Кини олоххо билиҥҥи суола - үрүҥ
илгэни үксэтии, онтон үрдүк үөрэххэ киирии.
Күндэлэс күннээх күөх урсун халлааннаах, минньигэс мүөт сытынан
дыргыйар ийэ күөх айылҕа үөрэн мичийэ турар. Маннык көҥүлгэ, үчүгэйгэ
ама ким сүрэҕэ тэппэт, сүргэтэ көтөҕүллүбэт, үлүһүйэ үлэлээбэт буолуой?!
Сири сибэкки эрэ симээбэт. Сири өссө кэрэтик ситэрэн, эрчимнээх
эдэр илиилэр киэргэтэллэр.
Комсомолка Мария Пестрякова олоҕо дьолунан толору, үөрүүнэн
ситэри. Кини кэлэр кэскилэ сырдык, чаҕылхай, кэрэ!
И . охлопков,
У у с -А л д а н .
“Э д э р ко м м у н и с т ” хаһы ат , 1 9 8 1 с . ат ы рдьах ы й а .
144