Page 26 - Untitled

Араас таһымнаах комсомольскай конференциялар, пленум-
нар, бюролар тэрээһиннээхтик ыытыллаллара. Улахан мун-
ньахтар иккилии кун буолаллара, бастакы кун араас тэрээһин-
нэр, биэчэрдэр, субуотунньуктар тэриллэллэрэ. Оччотооҕу
ыччат сиэр-майгы быһыытынан бэрээдэктээх, олоххо көрүүтэ,
дьоҥҥо сыһыана сиэрдээх этэ. Комсомолецтар сүөһүнү питии
ыарахан үлэтигэр күргүөмүнэн, тутуспутунан тахсаллара. Онус
кылаастар ыҥырыы таһааран, оскуола кэнниттэн икки сыл
устата сопхуоска үлэлииллэрэ, бүтүн бөһүөлэктэри туталлара.
1989 сыллаахха, альтернативнай төрүккэ олоҕуран, мин
партия райкомун 2-с сэкирэтээрин быыбарыгар кыайбытым.
Күһүн ыччат оройуоннааҕы конференциятыгар 1-кы сэкирэ-
тээринэн талбыттара.
Бу кэмтэн саҕалаан Екатерина Сидоровна Васильеваны кы-
тары ыкса үлэм саҕаламмыта. Оччолорго оройуон райкомун
бастакы сэкирэтээринэн — Георгий Михайлович Артемьев, ик-
кис сэкирэтээринэн Екатерина Сидоровна үлэлииллэрэ. Ити
сылларга комсомольскай тэрилтэлэр бойобуой дьоҕурдарын
өрө көтөҕүүгэ, комсомолецтар көхтөрүн үрдэтиигэ элбэх үлэ
ыытыллыбыта. Комсомольскай үлэһиттэр, маҥнайгы сүһүөх
комсомольскай тэрилтэлэр сэкирэтээрдэрэ Благовещенскай
куоракка Амурдааҕы зональнай, Нерюнгри куоракка комсо­
мольскай оскуолаларга былаанынан баран үөрэнэн, билиилэ-
рин үрдэтэн кэлэллэрэ. Комсомольскай политүөрэхтэр ыччаты
киэҥник хабаллара. Комсомол 20-с съеһин көрсө «20-с съез-
кэ — 20 ударнай декаданы» диэн девизтээх ыччат-комсомоль-
скай фермалар күрэхтэһиилэрэ тэриллэрэ. 1988 сыллаахха
Ленинскэй комсомол 70 сааһын көрсө «Айхаллыыбыт эйигин,
Ленинскэй комсомол!» диэн девизтээх оройуоннааҕы бэсти-
бээл ыытыллыбыта. Оройуон комсомолун историятын үөрэтэ,
«Таатта комсомолеһа» диэн агитационнай рейс үлэлээбитэ.
Комсомольскай актыыбы, бастыҥ производственниктары,
эдэр учууталлары, пионер баһаатайдарын кыраныысса таһы-
гар, дойдубут устун күүлэйдэтии, сынньалаҥнарын тэрийии
22