Page 163 - Ульяна Винокурова. Е. П. Жирков Сайдыы суолун солоон...

Төрүт сиргэ уйгуну түстээн

ламмыттара. Ону олох быһыыта-майгыта, уларыйыыта
ирдээбитэ.
- Республика хаһыаттарыгар Конституцияны ула-
рытыы туһунан кэнники кэмкэ тахсыбыт кэпсэтиигэ
сыһыаннаан Эн ханнык санаалардааххыный?
- Бастатан туран, мин, Конституцияны суруйууга
быһаччы кыттыбыт киһи санаабар, дириҥ ырытыыта
суох, көтүмэх матырыйааллар таҕыстылар. Ити
В.Д.Михайлов, П.Л.Казарян, Е.С.Никитина ыстатыйа-
ларыгар сыһыаннаах. Холобур, саамай радикальнай
этиилэртэн ыллахха, Ил Түмэн үлэтэ мөлтөҕүн, со-
куоннар аанньа үлэлээбэттэрин саба быраҕан ыйаллар.
Ол эрээри парламент сокуоннары айар, оттон олоххо
киллэрии киниттэн тутулуга суох, онно ситэриилээх
органнар бааллар. Сокуон туолуутун Ил Түмэҥҥэ
соҥнуур сыыһа. Депутаттар салайааччы буолан уоку-
руктарыгар аанньа үлэлээбэттэр, норуоттан тэйэн,
сөптөөх сокуону айбаттар эҥин диэн үрдүттэн саба бы-
раҕан сыаналыыры сөбүлээбэтим.
Холобур, Правительство дуу, Ил Түмэн депутатта-
ра бэйэлэрэ дуу, эбэтэр Россия уонна республика
таһымыттан прокуратура системата сокуон кыайан
олоххо киирбэт диэн туруорсаллара буоллар, сөбү-
лэһиэм этэ. Уопсайынан, норуот талбыт депутаттары-
гар итинник сыанабылы биэрэри испэр киллэрбэппин.
Оттон ис хоһоонугар киирэн, салгыы сыаналаатах-
ха хайдаҕый? Икки палаталаах парламентан соҕотох
палаталаахха көһүөххэ, ол иһин Конституцияҕа улары-
тыылары киллэриэххэ диэн туруорсаллар. Манна мин
санаам арыый атын.
Бастатан, баар Конституция кыаҕын ситэри
туһанабыт дуу, суох дуу диэн боппуруос туруохтаах.
Бэрэстэбиитэллэр палаталара аҕыйах депутаттаах, рес-
публика палатата сессияттан сессияҕа кэлэн үлэлиир

151