Page 32 - Ульяна Винокурова. Е. П. Жирков Сайдыы суолун солоон...

I түһүмэх. Көнөр көҥүлү көрдөөн

исторически сложившихся экономических, социально-
культурных связей и традиций между народами”.
Ити курдук ис хоһоонноох туруорсуу государствен-
най тутул оҥкулун айарга сахалар өйдөрүн-санааларын
күүрүүтэ оччотооҕу кэмҥэ хайдах таһымнааҕын толору
туоһулуур. Ол саҕана Татарстан, Башкортостан эмиэ
бэйэлэрин конституцияларын айалларыгар биһигини
кытта элбэхтик санаа атастаспыттара, туһаммыттара.
Маннык ситиһиигэ Саха Конституциятыгар Сүрүн
сокуон түмүллэр киинин быһыытынан сайыннарар
кыахтаах киһинэн буолбут Егор Петрович Жирков чах-
чы бэриниилээхтик үлэлээбитэ.
Биир холобуру көрүөххэ.
Саха Республикатын Конституцията Российскай
Федерация Конституциятыгар “сөп түбэһэр” диэн
принципкэ (принцип соответствия) олоҕурдаҕына, бу
икки Төрүт сокуон үүт-үкчү биир буолан, федератив-
най тутул сүрүн ирдэбилэ кэһиллэр. Федерация сас-
таабыгар киирэр государстволар хайаан да уратыларын
аахсар тутулунан холбоһуохтаахтар. Советскай кэм-
нээҕи федерация оннук тардыы да сири хамсаппат
тыйыс тутуллаах буолан, ис ситимэ сахсархай этэ.
Ол иһин Е.П.Жирков Саха Республикатын Кон-
ституциятын барылын оҥорор анал бөлөх салайааччы-
тын быһыытынан федеративнай сыһыаны “утарбат
буоллаҕына” диэн принциби (принцип непротиворечия)
тутуһан олохтуурга дьүккүспүтэ, Российскай Федера-
ция Конституциятын утарбакка эрэ, республика интэ-
риэһин көрөр ис хоһоонноох оннук саҥа тутулу бигэр-
гэтэргэ күүскэ туруорсубуппут.
Бу принципкэ олоҕуран, Саха Республикатын 1992
сыллааҕы Конституциятыгар “Саха Республикатын
экономическай төрүттэрэ” диэн Россия конституция-
тыгар суох саҥа түһүмэх киирбитэ. Онно суверенитет
экономическай төрүттэрэ, баайы-дуолу тыырсыыга го-
сударство, общество уонна оҥорон таһаарар үлэһиттэр

28