Page 27 - Ульяна Винокурова. Е. П. Жирков Сайдыы суолун солоон...

Саҥа тутул

Кини тоҕоостоох кэми таба көрөр, кэм-кэрдии ир-
дэбилигэр сөп түбэһэр бэлэмнээх уонна үйэлэргэ сөҥө
сылдьар саха ыратын утумнаабыт төлөннөөх сүрэхтээх
салайааччы быһыытынан сайдыбыта. Уларыта тутуу
кэмин көрсө төрөөбүт, Лөгөй, Сэмэн Ардьакыап, Дьо-
руой Дьөгүөрэп төрүт буордарыгар сүүрэн-көтөн
улааппыт Танда ыччата, кинилэр тустарынан норуот
сэһэнигэр бигэнэн иитиллибит саҥа чиргэл саҕа-
лааччы буолбута.
Е.П.Жирков Саха государственнай тутулун торумун
түһэрсэр үлэҕэ сорунуулаахтык туруммута. Ыра гым-
мыт сахалыы санаатын олоххо киллэрэр тоҕоостоох
түгэн кэлбитигэр улгумнук ылсан, салайар номенкла-
тура кирилиэһин дабайа сатыырга энчирэппэтэх ис
кыаҕын толору туһанан, улахан эппиэтинэстээх үлэҕэ
төбөтүнэн түспүтэ. Айар бөлөх бары да чилиэннэрэ
киниэхэ майгынныыр дьылҕалаах, өйдөөх-санаалаах
буолан, тигинэччи үлэлээбиппит.
Анал бөлөх салайааччыта Е.П.Жирков үлэни кон-
ституционнай быраабы үөрэтииттэн саҕалаабыта.
Сүүстэн тахса дойду конституциятын сыымайдаан,
биһиги тутар государствобытыгар ханнык нуорма та-
быгастааҕын, ону Российскай Федерация састаабыгар
киирэр республикаҕа хайдах туттар туһалаах буолуон
сөбүн илдьиритэн ырытыһарбыт. Ол кэмҥэ Россия
Конституциятын барыла эмиэ оҥоһулла сылдьара.
Онон Российскай Федерация Конституциятын араас
барылын ырытан, ол биһиэхэ хайдах дьайыан сөбүн,
онно тугу эрдэттэн тохтотуохха эбэтэр сымнатыахха
сөбүн толкуйдуурбут, санаабытын аналлаах конститу-
ционнай комиссияҕа, республика салалтатыгар тиэр-
дэрбит.
Егор Пстрович идэтинэн педагог буолан, ханнык
да идеяны хааччахтаабат, ким да айар баҕатын сабы-
тыннарбат, туо.х суолталаах күлүм гыммытын барытын

23