Page 13 - Е.П. Жирков Сайдыы суолун солоон

буолар. Е.П. Жирков улууска олус наада-
лаах тутуулары өйөөн, бюджеттан үбүлээһини
ситиспитэ.
Иккис хайысхата ~ бюджет үлэһиттэрин
хамнаһын олохтоох социальнай нормативынан
көрөн туруорсуу.
Хамнас сарбыллыбатын, кэмигэр төлөнөрүн
ситиһэргэ ис-тас хардыылары билэр, былаас
уораҕайдарынан сылбырҕатык киирэр-тахсар
депутат кыаҕа улахан этэ.
Үһүс хайысхатыгар тыа хаһаайыстыбатыгар
улуус депутата промышленнай тэрилтэлэри кытта
быһаччы экономическай сыһыаны олохтообута.
«Индигирзолото» акционернай компанияны
кытта сөбүлэһии түһэрсэн, тыа хаһаайыстыбатын
бородууксуйатын батарар суол соломмута.
Төрдүс хайысха - дьиэ-уот коммунальнай
хаһаайыстыбатыгар көмөлөһүү. ЖКХ бэйэтин
кыаҕынан ырыынакка киирэр туруга суох этэ.
2-с ыҥырыылаах Ил Түмэн депутаттара тыас-уус
таһааран, туспа министерство тэрийтэрэн, биир
энергетическай ситим оҥоруутун, улуустарга
сүрүннэммит коммунальнай ситими тэрийиини,
о.д.а. туруорсубуттара.Котельнайы убаҕас небкэ
көһөрүү, тыа сиригэр газ ситимин тардыы
саҕаламмыта.
Бэһис хайысха - кыра, кытыы бөһүөлэктэри
бөҕөргөтөн, уйуктаах оҥоруу, айылҕа алдьар-
хайыттан харыстааһын. 1998 с. халаан таһаарбыт
хоромньутун барытын ааҕан-суоттаан, эбии
суһал көмө оҥорорго, үп-ас буларга улуус
дьоно Ил Түмэҥҥэ дьоһун депутаттаахтарын
билиммиттэрэ.
Е.П.Жирков дьиэ-кэргэн, ыччат дьылҕатыгар
төттөрү дьайыылаах икки киирсиилээх
боппуруоска үлэлээбитэ:
а) ЕГЭ уонна төлөбүрдээх ГИФО киирэрин
утарсыбыта;