Page 14 - Е.П. Жирков Сайдыы суолун солоон

б) олохтоох салайыныы боппуруоһугар ос-
куола, балыыһа үбүлээһинэ государство моон-
ньугар хаалыахтаах диэн туруорсан, 70 депутат
санаатын булгурутан, эппитин ситиһэн, тыа си-
ригэр үгүс оскуоланы, балыыһаны моҥкуруут
барартан быыһаабыта.

* * *
Иккис ыҥырыылаах Ил Түмэн тыа сирин
туһугар чахчы да элбэҕи оҥорбута:
- тыа сиригэр бэриллэр үп үс төгүл кэриҥэ
эбиллибитэ;
- тыа сиринээҕи табаар оҥорон таһаараач-
чылар республикаҕа уонна олохтоох бюджек-
ка, агропромышленнай комплекс тэрилтэлэрин
бюджетнай суудаҕа уонна кредиккэ иэстэрин
сотон, билиҥҥи харчынан 10 миллиард иэстэн
босхоломмуттара;
- саха ынаҕын, сылгытын үөскэтиигэ-иитиигэ
анаммыт ураты сокуоннар ылыллан, тустаахтарга
туһа буолбута.
Сир боппуруоһун олохтоох дьон туһугар иэҕэн,
айылҕаны харыстыыр, төрүт дьарыктары өйүүр
хас да сокуон тахсыбыта. Тыа хаһаайыстыбатын
бородууксуйатын оҥорон таһаарыыга ботуччу
кээмэйдээх государственнай дотация көрүллэн,
эти-үүтү туттарыы иһин уу харчынан эбии төлөбүр
бэриллэн,нэһилиэнньэҕэ олус туһалаах буолбута.
Аһылыгы элбэтэргэ түргэнник ситэр сүөһү, оҕуруот
аһын көрүҥүн дэлэтэргэ көмө оҥоһуллубута.
Манна барытыгар депутат Е.П. Жирков өйө-
санаата, тыла-өһө, эрчимэ-эрэлэ биллэр-көстөр
оруолу оонньообута.