Page 6 - Кун кууьар хайатыттан

Кэмитиэтин салайбыта), өрөспүүбүлүкэни салайбыт кэмигэр
М. К. Аммосов дойду экономиката атаҕар туруутугар, суол-
иис тутуутугар, үөрэх, наука, култуура сайдыытыгар сөҕүмэр
үлэни саҕалаабыта. Элбэх ыччаты дойду киин куораттары-
гар үөрэттэрэ ыыппыта, өрөспүүбүлүкэ үгүс тэрилтэлэри-
гэр олохтоох каадырдар ананалларын ситиспитэ, кэлин киһи
аймах тылынан уус-уран бастыҥ айымньытын быһыытынан
билиниллибит «Манаас» диэн эпической айымньыны нууч-
чалыы тылбаастаан туспа кинигэнэн таһаарар туһунан быһаа-
рыы ыллартарбыта, 1937 с. репрессия үгэннээн турар кэмигэр
олохтоох интеллигенцияны сорунан туран көмүскэспитэ.
Кыргыз норуота итини умнубат. 1997 с. Кыргызстан киин
куората Бишкек «Совхозная» диэн уулуссата «М. Аммосов
уулуссата» диэн ааттаммыта. 2007 с. М. К. Аммосов 1937 с.
үлэлээбит дьиэтигэр (билигин Кыргызстан Өрөспүүбүлүкэ-
тин култууратын министиэристибэтин дьиэтэ) өйдөбүнньүк
бэлиэ (мемориальнай дуоска) ыйаммыта. 2012 с. Бишкек куо-
рат Чынтыз Айтматов аатынан киин пааркатыгар М. К. Ам-
мосовка бюст-памятник туруоруллубута, Кыргызстан киин
национальнай библиотекатыгар, киин музейыгар, опера ты-
йаатырыгар, Кыргызстан Өрөспүүбүлүкэтин парламеныгар,
бырабыыталыстыбатыгар хас да төгүл М.К. Аммосовка анал-
лаах тэрээһиннэр ыытылыннылар. Онон, төһө да барыла-
рыттан кылгас кэмҥэ өрөспүүбүлүкэни салайбытын иһин,
Максим Аммосов аатын кыргыз норуота, уопсастыбаннаһа
Кыргызстан Өрөспүүбүлүкэтин ааспыт кэм салайааччыла-
рыттан ордук чорботон ааттыыр дьонуттан биирдэстэрэ буол-
ла. Атын омук дьонун итинник махталлаах өйдөбүлэ олохтоох,
үйэлээх буоларыгар биһиги, Максим Аммосов төрөөбүт но­
руота, эмиэ көмөлөһүөх, өйөһүөх кэриҥнээхпит. Ол биһигини
норуот быһыытынан үрдэтэр, тупсарар ытык иэспит буолар.
Саха сиригэр 1966 с. атырдьах ыйын 16—22 күннэригэр
Россия уонна Саха сирин Суруйааччыларын сойуустарын
көҕүлээһиннэринэн Киргиз литературатын күннэрэ ыытыл-
лыбыттара. Россия Суруйааччыларын сойууһуттан Леонид Со­
болев, Франц Таурин, Яков Шведов, Сергей Викулов, Кир-
гизияттан Токтоболот Абдумомунов (Киргизия Суруйааччы­
ларын сойууһун бастакы сэкирэтээрэ), Темиркул Уметалиев,
Саткын Сасыкбаев, Жунай Мавлянов, Сооронбай Жусуев,
4