Page 180 - Курбуьахтар А5а дойду кемускэлигэр

typ6yhax.map уД<я дойду көли/скэлигэр

ПУХОВ МИХАИЛ МИХАЙЛОВИЧ
(1924-1981)

1924 сыллаахха I Курбуһах нэһилиэгэр Ньүө-
күнүгэ Михаил Васильевич уонна Варвара Петров­
на дьиэ кэргэннэригэр төрөөбүт. Аҕалара эдэр саа-
һыгар өлөн, ийэлэрэ Пухова (Аммосова) В.П. үс
кыра оҕолоох тулаайах хаалбыт.
Уус Күөлүн оскуолатыгар 1939 сыллаахха 5 кы-
лааһы үөрэнэн бүтэрбит. Сэриигэ ыҥырыллыар диэ-
ри «Ньүөкүнү» холкуоска үлэлээбит.
1942 сыл атырдьах ыйын 17 күнүгэр Чурапчы
оройуонун байыаннай комиссариатынан ыҥырыл-
лан аармыйаҕа барбыт. 1942 сыл балаҕан ыйыттан
1945 сыл алтынньы ыйга диэри 36 стрелковай дивизия 24-с стрелковай пол-
катын састаабыгар киирэн стрелогунан хорсуннук сэриилэспит. 1945 сыл
атырдьах ыйын 9 күнүттэн балаҕан ыйын 30 күнүгэр диэри Японияны ута-
ры сэриигэ кыттыбыт. 1947 сыллаахха демобилизацияланан дойдутугар
кэлбит.
«Бойобуой үтүөлэрин иһин», «Японияны кыайыы иһин», Кыайыы үбү-
лүөйдээх мэтээллэринэн наҕараадаламмыт.
Дойдутугар этэҥҥэ эргиллэн кэлээт Бороҕоҥҥо райфинотделга буҕаал-
тырынан, Госстрах салаатыгар инспекторынан уон сыл үлэлээбит. 1957 сыл­
лаахха Курбуһахха тахсан Булганин аатынан холкуос Балаҕаннаахтааҕы
биригээдэтигэр ферма сэбиэдиссэйинэн, 1960-1964 сылларга Курбуһах
оскуолатыгар буҕаалтырынан, онтон «Лена» сопхуоска биригэдьииринэн,
сылгыһытынан үлэлээн пенсияҕа тахсыбыт.
Бастакы кэргэнэ Марфа Васильевна Аммосоваттан уоллаах кыыс оҕо-
лоох. Иккис кэргэнэ Дария Иннокентьевналыын 2 уол, 3 кыыс оҕону
төрөтөн, иитэн-үөрэтэн, үлэһит оҥорбуттар. Кинилэр олохторун элбэх
сиэн, хос сиэн салгыыллар.

Ховров, И. Р. Ньүөкүнүлэр, Моххолор түмсэн / И. Р. Ховров, Д. И. Пухов, —Дьокуус-
кай, 2005,- С. 15.
Күннэтэ ахсаабакка кыһаллан...: (ыйынньык) / [Курбуһах орто интернат-оскуо-
латын техническэй үлэһиттэрэ]. — Уус Күөлэ, 2012, —С. 29.

162