Page 188 - Курбуьахтар А5а дойду кемускэлигэр

Ити сыл күһүн балаҕан ыйын саҕана биһиги дивизиябытын Брянскай
фроҥҥа көһөрбүттэрэ. 175-с танканы утарар туспа аналлаах дивизион сал-
лаата буолбутум. 1943 сыллаахха Сталинградка улууканнаах кыайыы кэн-
ниттэн биһиги чаастарбыт Курскай куорат туһаайыытынан кимэн киирэн
испиппит. «Катюшалар» суол солоон абыраабыттара. Кулун тутар ый бы-
лаһын тухары өстөөҕү чугутан, элбэх ахсааннаах дэриэбинэлэри босхолоо-
буппут. Толоос элбэх немецтэри билиэн ылар этилэр.
1943 сыл муус устар 19 күнүгэр Курскайтан чугас Литиж диэн улахан
дэриэбинэ иһин кыргыһыыга аттыбар снаряд эстэн, оскуолкаларыттан уон
биир сиринэн бүттэтэ суох бааһырбыппын буланнар, госпитальга ыыппыт
этилэр. Дмитриевка, Львов диэн куораттарга, онтон Урал өрүстэн чугас Бу-
гуруслаҥҥа аҕалан эмтээннэр, сүһүөхпэр туруорбуттара.
1943 сыллаахха атырдьах ыйыгар дойдубар Курбуһахха «Ньүөкүнү»
холкуоспар эргиллэн кэлбитим. Сут-кураан кэнниттэн өҥ буолан, бур-
дук баһаамнык үүммүт этэ. Чурапчыга холкуостар суоччуттарын курсун
бүтэрэммин, буҕаалтыр идэлэммитим. 1947 сыллаахха партия райкомун
бюротун уурааҕынан «Ньүөкүнү» холкуоспар 1952 сылга диэри бэрэссэ-
дээтэллээбитим. Онтон кэлин, холкуостар бөдөҥсүйэннэр балачча уһун
кэмҥэ холкуоска бэрэссэдээтэли солбуйааччынан, суоччутунан, ревизион-
най комиссия бэрэссэдээтэлинэн, 1961-1966 сс. партия райкомун дьаһа-
лынан Суотту наспотугар бэрэссэдээтэли солбуйааччынан үлэлээбитим.
1966 сылтан, 3 сыл устата, Курбуһах интернат-оскуолатыгар остолобуой
сэбиэдиссэйинэн, 1969 сылтан 1976 сылга диэри оройуоннааҕы быто­
вой комбинакка, Мүрү 8-с кылаастаах оскуолатыгар завхоһунан, 1977-
1988 сылларга Сыырдаахха кочегарынан үлэлээбитим».
Биир дойдулааҕын Ховрова Евдокия Ивановнаны кэргэн ылан икки
кыыстаммыттар.
Аҕа дойду сэриитин I истиэпэннээх уордьанынан, «Германияны кыа­
йыы иһин», «1941-1945 сс. Аҕа дойду Улуу сэриитигэр килбиэннээх үлэ-
тин иһин» уонна Кыайыы үбүлүөйүнэй мэтээллэринэн наҕараадаламмыт.
1993 сыллаахха ыалдьан өлбүт.

Ховров, И. Р. Ньүөкүнүлэр, Моххолор түмсэн / И. Р. Ховров, Д. И. Пухов, — Дьокуус-
кай, 2005,— С. 15.
* * *
Пухов, С.Сэрии бастакы сылларыгар / С. Пухов// Ленинской тэрийээччи, —1985. —
Бэс ыйын 15 к.

170