Page 6 - Курбуьахтар А5а дойду кемускэлигэр

Курбуһахтар уДа дойду көмускэлигэр

ӨРӨГӨЙДӨӨХ КЫАЙЫЫНЫ АҔАЛСЫБЫТТАРА

Европа дойдуларын фашизм батталыттан быыһаабыт, сэбиэскэй но-
руот көҥүлүн турууласпыт Аҕа дойду Улуу сэриитэ түмүктэммитэ быйыл
80 сылын туолла. Киһи аймах историятыгар хаһан да буолбатах алдьар-
хайдаах сэрии хас биирдии ыалы хаарыйбыта, ыар аһыыны хаалларбыта.
Түөрт сыл кэриҥэ барбыт уодаһыннаах сэриигэ икки Курбуһах нэһилиэк-
тэриттэн барыта 237 киһи фроҥҥа ыҥырыллан барбыта. Төрөөбүт дойду-
ларыгар 128 буойун төннүбэтэхтэрэ, Кыайыы туһугар сырдык тыыннарын
толук уурбуттара, олортон 80 киһи сураҕа суох сүппүттэринэн, көмүллүбүт
сирдэрэ биллибэтинэн ааҕылла сылдьаллар. 109 буойун Кыайыы кынатта-
нан төрөөбүт-үөскээбит түөлбэлэригэр эргиллэн кэлбиттэрэ, эйэлээх олоҕу
тутуспуттара.
Кыайыы чахчы ыар сүтүк сүгэһэрдээҕэ, ол да буоллар хорсун-хоодуот
санаанан ситиһиллибитэ. Курбуһах эр санаалаах уолаттара Аммосов Инно­
кентий Степанович, Васильев Илья Михайлович, Ермолаев Капитон Фи­
липпович, Местников Дмитрий Васильевич, Пухов Семен Петрович, Мест­
ников Гаврил Иосифович Албан аат уордьанынан наҕараадаламмыттара.
Саллаат мэтээлэ диэн ааттанар «Хорсунун иһин» мэтээлинэн ууну-уоту
ортотунан ааспыт буойуттары наҕараадалыыллара. Курбуһах нэһилиэгит-
тэн маннык наҕарааданан бэлиэтэммиттэр үгүстэр. «Хорсунун иһин» мэ­
тээлинэн үс төгүл наҕараадаламмыт Пухов Николай Михайлович Кыһыл
Сулус уонна Аҕа дойду сэриитин II истиэпэннээх уордьаннарынан бэлиэ-
тэммит биир хорсун буойун буолар.
Ленинград блокадатыгар сырдык тыына быстыбыт Бурнашев Михаил
Алексеевич Островскай аатынан Ленинградтааҕы театральнай институкка
үөрэнэ сылдьан Ленинград оборонатыгар кыттыбыта уонна блокадаҕа суо-
рума суолламмыта.
Курбуһах уолаттара кыргыһыы толоонугар батальону, полканы, взводу
хамаандалаабыт эписиэрдэр этилэр. Ол курдук капитаннар Николай Алек­
сеевич Аммосов, Абрам Васильевич Аммосов, старшай лейтенаннар Кон­
стантин Дмитриевич Пестряков, Петр Петрович Аммосов, младшай лей­
тенант Иннокентий Васильевич Пухов, лейтенант Иннокентий Егорович
Пестряков хамандыыр быһыытынан бэйэлэрин чиэстээхтик көрдөрбүттэрэ.
Кинилэртэн Абрам Васильевич уонна Константин Дмитриевич националь-
най байыаннай оскуоланы бүтэрбит идэтийбит эписиэрдэр буолаллар.
Уодаһыннаах сэрии бүтүн дойду үрдүнэн ыар, оспот сырҕан бааһы
хаалларбыта. Хоодуот дьоммут албан ааттарын кэриэстээн, үйэтитэн оччо-

4